+30 °С
Ясно
Матур үтһен ялығыҙ
21 Февраля 2020, 13:02
ЙОНДОҘНАМӘ (24 февраль – 1 март)
ҠУҘЫ
Фекерегеҙҙе ныҡлы яҡлаһағыҙ, оторһоғоҙ. Эш урынында файҙалы килешеүҙәр көтөлә. Етәкселек аҡса, хеҙмәт хаҡы буйынса мөрәжәғәтегеҙҙе кире ҡаҡмаҫ.
БУҒА
Юғарыраҡ вазифа тәҡдим итерҙәр, моғайын. Киләсәгегеҙҙе хәстәрләһәгеҙ, баш тартмаҫҡа кәңәш ителә, киң мөмкинлектәр асылыр. Аҙна финанс йәһәтенән уңышлы булмаҡсы.
ИГЕҘӘКТӘР
Сағыу, ҡыҙыҡлы аҙна көтөлә. Матди хәлегеҙ яҡшырыр, ҙур ғына әйбер һатып алып ҡыуанырһығыҙ. Аҙна уртаһында дәрәжәле кеше менән осрашырһығыҙ, моғайын.
ҠЫҪАЛА
Был осорҙа ҡыҙыҡлы тәҡдимдәр яуып торор. Эш буйынса сәфәргә сығырға ла тура килер. Тырышлығығыҙ тейешенсә баһаланыр, файҙалы бәйләнештәр барлыҡҡа килер. Ял көндәрендә ҡунаҡ көтөгөҙ.
АРЫҪЛАН
Байтаҡ сетерекле мәсьәләләрҙе ыңғай хәл итерһегеҙ. Шулай ҙа ҡайһы берәүҙәр көнләшеп, аяҡ салырға маташыр.
ҠЫҘ
Етди мәсьәләләрҙе уңышлы еңеп сығырһығыҙ. Яңы ижади һәләтегеҙ асылыр. Ғаиләләге мөнәсәбәттәр яйға һалыныр.
ҮЛСӘҮ
Һөнәри эшмәкәрлектә бер аҙ мәшәҡәт булмаҡсы, тик улар һеҙҙе әллә ни борсоуға һалмаҫ. Эске тойомлауығыҙ бермә-бер артыр, уға таянһағыҙ, ҙур уңышҡа өлгәшерһегеҙ.
САЯН
Сикләү, ҡағиҙәләрҙе үҙһенмәһәгеҙ ҙә, был аҙнала уларҙы мотлаҡ үтәргә тура килер. Эштәге ығы-зығы күп ваҡыт талап итер. Эргәгеҙҙә күптән күҙ һалып йөрөгән кеше һеҙгә хистәрен белгертеүе ихтимал.
УҠСЫ
Был аҙнала һәр йәһәттән уйлап эш итегеҙ. Осор сәйәхәт итеү, эш командировкалары өсөн уңайлы. Матди хәлегеҙ яҡшырыр. Эш урынында ғишыҡ уйынынан алыҫ тороғоҙ.
ЫЛАҠ
Аралашҡанда, дуҫтар һайлағанда һаҡ булығыҙ, һүҙегеҙҙе уйлап һөйләгеҙ. Һөнәри эшмәкәрлек өлкәһендә яҡшы үҙгәрештәр булмаҡсы, тик тәҡдимдәрегеҙҙе ваҡытында еткерә белегеҙ.
ҺЫУҒОЯР
Был аҙнала бер аҙ борсолорға тура килер: кемдер һеҙҙең турала имеш-мимеш таратыр. Шуға күрә серегеҙҙе берәүгә лә һөйләмәгеҙ, ҡаҙаныштарығыҙ менән маҡтанмағыҙ.
БАЛЫҠ
Ниәттәрегеҙҙе ҡыйыу тормошҡа ашырыуға тотонһағыҙ ҙа була. Отошло тәҡдимдәр, осрашыу, һөйләшеүҙәр, һөнәри эшмәкәрлектә абруйығыҙ артыр.