+11 °С
Облачно
Матур үтһен ялығыҙ
30 Апреля 2020, 16:00
Ҡаймаҡта быҡтырылған сөгөлдөр
Яҙ миҙгелендә витаминдарға бай ризыҡтарға өҫтөнлөк бирәйек. Бөгөн тәмле лә, файҙалы ла рецепт тәҡдим итәбеҙ.
Был ризыҡты әҙерләү өсөн ярты килограмм сөгөлдөр, бер стакан ҡаймаҡ, бер кишер, сельдерей тамыры йәки петрушка, бер сәй ҡалағы аш һеркәһе, бер сәй ҡалағы шәкәр, бер аш ҡалағы он, ике аша ҡалағы үҫемлек майы кәрәк.
Тәүҙә таҙартылған, йыуылған сөгөлдөрҙө, кишерҙе ҡырғыс аша үткәрәбеҙ. Сельдерейҙы йәки петрушканы ваҡлап турайбыҙ. Ошо йәшелсәләрҙе кәстрүлгә һалып, май, аш һеркәһе, һыу ҡушып 45 минут тирәһе быҡтырабыҙ. Йәшелсә әҙер булғас, бер аш ҡалағы он ҡушабыҙ һәм ҡаймаҡ, тоҙ, шәкәр, лавр япрағы өҫтәп, тағы 10 минут тирәһе ҡайнатабыҙ.
Был витаминлы ризыҡты ит йәки балыҡ менән тәҡдим итергә мөмкин.
Ашығыҙ тәмле булһын!
Фото: gotovim-doma.ru