+20 °С
Болотло
Матур үтһен ялығыҙ
23 Октябрь 2020, 08:42
ЙОНДОҘНАМӘ (26 октябрь – 1 ноябрь)
ҠУҘЫ
Эш урынында көтмәгәндә уңышҡа өлгәшерһегеҙ. Яңы таныштар менән һаҡ булығыҙ, дүшәмбе алданыу хәүефе ҙур. Аҙна аҙағында балаларығыҙға иғтибар бүлегеҙ.
БУҒА
Яңы һәләтегеҙ асылыр. Йоғонтоло кешеләр мөһим эште атҡарып сығырға ярҙам итер. Кесе йомала кисектерә килгән мәсьәлә менән тығыҙ шөғөлләнергә тура килер, моғайын.
ИГЕҘӘКТӘР
Аҙнаның тәүге көндәрендә шәхси мөнәсәбәттәр бер аҙ киҫкенләшеп китмәксе. Сабыр булығыҙ. Осор аҙағында һөнәри уңыштар көтөлә. Мул ғына табыш алыуығыҙ ихтимал.
ҠЫҪАЛА
Эштә лә, шәхси тормошта ла сағыу ваҡиғалар булыр. Икенсе урынға күсергә теләһәгеҙ, дүшәмбенән ҡулай көн тапмаҫһығыҙ. Матди йәһәттән дә ҡыйынлыҡ кисермәҫһегеҙ.
АРЫҪЛАН
Күп эшләргә тура килер. Кесе йомала финанс мәсьәләһе менән шөғөлләнмәҫкә кәңәш ителә, аңлашылмаусанлыҡ тыуыуы ихтимал. Ял көндәрендә яҡындарығыҙ менән дорфа булмағыҙ.
ҠЫҘ
Осор коммерция менән шөғөлләнеү, килешеүҙәр төҙөү йәһәтенән уңышлы булмаҡсы. Ҡиммәтле ҡағыҙҙар менән эш итә башларға ваҡыт еткәндер, бәлки. Тәүәккәл булығыҙ, бер нимәнән дә ҡурҡмағыҙ.
ҮЛСӘҮ
Яңы идеялар, киләсәккә пландар төҙөү менән булырһығыҙ. Алдығыҙҙа киң мөмкинлектәр асылыр. Шәхси тормошта ла шатлыҡлы ваҡиғалар көтөлә. Бер генә кәңәш – аҡсағыҙҙы самалап тотоноғоҙ.
САЯН
Осор башында ҡыҙыҡлы кешеләр менән танышырһығыҙ, романтик осрашыуҙар ҙа булмаҡсы. Эштә йөкмәтелгән мөһим бурысты үтәү мөмкинлеге тыуыр. Һаулығығыҙҙы хәстәрләгеҙ, имгәнеү хәүефе бар.
УҠСЫ
Мажараларға, һынауҙарға бай осор. Шаршамбы аралашыуҙарҙы бер аҙ сикләргә кәңәш ителә. Шәхси мөнәсәбәттәрҙең киҫкенләшеүе ихтимал.
ЫЛАҠ
Төп ваҡиғалар һөнәри өлкәлә булыр. Эш урынында үрләтеүҙәре ихтимал, тик етәкселеккә нимәнең ҡулығыҙҙан килеүен һәм килмәүен алдан уҡ әйтеп ҡуйығыҙ. Ҡайһы берәүҙәр аяҡ салырға маташыр, моғайын.
ҺЫУҒОЯР
Ниндәйҙер юридик проблемалар тыуыр, тик борсолоуығыҙ бушҡа булыр, хәл тиҙ арала яйланыр. Шәхси тормошоғоҙҙо яйға һалыу өсөн ҡулай осор. Күптәнге дуҫтарығыҙҙың һүҙенә ышанып бармағыҙ.
БАЛЫҠ
Ваҡ-төйәк мәшәҡәт арҡаһында мөһим эш тураһында онотоп ҡуймағыҙ. Шаршамбы – яңы эшкә урынлашыу өсөн уңышлы көн. Был аҙнала аҙ һөйләп, күберәк эшләргә тырышығыҙ.
