+20 °С
Болотло
Матур үтһен ялығыҙ
20 Ноябрь 2020, 14:26
ЙОНДОҘНАМӘ (23 – 29 ноябрь)
ҠУҘЫ
Был аҙнала һеҙгә борсолорға урын юҡ. Көс-дәртегеҙ тауҙар аҡтарырлыҡ булыр. Тормоштоң бөтә өлкәләрендә ыңғай үҙгәрештәр күҙәтелер. Гүзәл заттарҙы 25 ноябрҙә мөһим осрашыу көтә.
БУҒА
Осор эш һәм бизнес йәһәтенән уңышлы булмаҡсы. Ныҡышмалылығыҙ, ниһайәт, һөҙөмтәһен бирер. Аҡсаға бәйле хәл тотороҡланыр. Шәхси тормоштағы ҡайһы бер аңлашылмаусанлыҡтар бөтөр.
ИГЕҘӘКТӘР
Аҙна бер аҙ ҡатмарлы башланып китер. Айырыуса 24 ноябрҙә үҙегеҙҙе тыныс тоторға тырышығыҙ. Осор аҙағына барыһы ла яйға һалыныр. Ял көндәрен яңғыҙ үткәрергә кәңәш ителә.
ҠЫҪАЛА
Аҙнаның тәүге көндәрен күптәнге проблеманы хәл итеү өсөн файҙаланығыҙ. Ҡасандыр ҡатмарлы булған мәсьәләләр еңел генә яйға һалыныр. Шәхси мөнәсәбәттәрҙә сабырлыҡ талап ителер.
АРЫҪЛАН
Эштә уңышҡа өлгәшерһегеҙ. Тиҙҙән карьера буйынса үҫеү мөмкинлеге бар. Әүәлге бәйләнештәрҙе тергеҙергә кәңәш ителә. Яңғыҙҙарҙың үҙ яртыһын осратып, ғаилә ҡорорға ҡарар итеүе ихтимал.
ҠЫҘ
Осор башы көсөргәнешле килер. Ҡайһы берәүҙәр аяҡ салырға маташыр. Ауыр ваҡытта яҡындарығыҙ ярҙамға килер. Әкренләп барыһы ла яйға һалыныр. Был аҙнала яҙмышығыҙға етди йоғонто яһаған кешене осратырһығыҙ.
ҮЛСӘҮ
Ашыҡмаҫҡа кәңәш ителә. Мөһим ҡарарҙарҙы кисектереп тороғоҙ. Һәр йәһәттән уйлап эш итһәгеҙ, маҡсатығыҙға өлгәшерһегеҙ. Аҙнаның икенсе яртыһы мажараларға бай булыр.
САЯН
Ҡәҙимге аҙна. Күп ваҡыт көндәлек мәшәҡәттәр менән үтер. Йома һәм йәкшәмбе юл йөрөгәндә һаҡ булырға кәңәш ителә. Иҫерткес эсемлектәрҙән баш тартығыҙ, ағыуланыу хәүефе бар.
УҠСЫ
Шәхси тормошта бер аҙ ҡыйынлыҡтар булыр. Әммә улар тиҙ арала үтеп китер. Аҙна уртаһында кәйефегеҙ күтәрелер. Ниндәйҙер ҙур эштә уңышҡа өлгәшерһегеҙ. 26 ноябрь айырыуса һөҙөмтәле үтер.
ЫЛАҠ
Аҙнаның тәүге көнө яҡшы яңылыҡтар, һөнәри өлкәлә уңыш килтерер. Шишәмбе кеше менән уртаҡ тел табырға тырышығыҙ, үҙ фекерегеҙҙе көсләп таҡмағыҙ. Йома ҡыҙыҡлы осрашыу көтә.
ҺЫУҒОЯР
Осорҙоң тәүге яртыһы мәшәҡәтле булыр, күп эшләргә тура килер, әммә һөҙөмтәлә матди хәлегеҙ яҡшырыр. Өҫтәмә аҡса эшләү сығанағын табырһығыҙ. Йома һәм шәмбе яҡындарығыҙға иғтибар бүлегеҙ.
БАЛЫҠ
Һөнәри эшмәкәрлектә лә, шәхси тормошта ла күп нәмәгә өлгәшерһегеҙ. Етәкселеккә мөрәжәғәт итеү, милек мәсьәләһе менән шөғөлләнеү өсөн ҡулай осор. Иң уңышлы көн – дүшәмбе.
