+21 °С
Болотло
Матур үтһен ялығыҙ
28 Декабрь 2020, 09:15
ЙОНДОҘНАМӘ (28 декабрь – 3 ғинуар)
ҠУҘЫ
Һөнәри өлкәлә уңырһығыҙ. Көс-ҡеүәтегеҙ, әүҙемлегегеҙ ташып торған мәл. Матди хәлегеҙ яҡшырыр. Премия биреүҙәре, вазифала үрләтеүҙәре ихтимал. Яңы таныштарығыҙ тормошоғоҙға яңылыҡ алып килер.
БУҒА
Романтик осрашыуҙарға һәм күңелле мажараларға бай осор. Яратҡан кешегеҙгә иғтибарҙы арттырығыҙ. Бер генә кәңәш – аҡсағыҙҙы бер аҙ һаҡлабыраҡ тотоноғоҙ, финанс ҡыйынлыҡтар булмаҡсы.
ИГЕҘӘКТӘР
Бизнес менән шөғөлләнгәндәрҙе уңышлы аҙна көтә. Эшлекле бәйләнештәр нығыр, яңы килешеүҙәргә ҡул ҡуйырһығыҙ, хеҙмәттәштәр табырһығыҙ. Сәләмәт тормош башлау һаулығығыҙға ыңғай йоғонто яһар.
ҠЫҪАЛА
Эштә мәшәҡәт артып китер. Финанс хәлегеҙ көнләшерлек түгел, сығымығыҙҙы ҡайтанан ҡарап сығырға кәңәш ителә. Ҙур әйбер һатып алмай тороғоҙ. Ошо көндәрҙә өҫтәмә аҡса эшләү сығанағы тәҡдим итеүҙәре ихтимал.
АРЫҪЛАН
Аҙна йәшәйештең бөтә өлкәләрендә лә рух күтәренкелеге һәм уңыш килтерер. Сағыу ваҡиғалар көтөлә. Осор башында башлаған эштәрҙе тамамлап ҡуйырһығыҙ. Киләһе йылға ҡыҙыҡлы тәҡдимдәр ҙә булмаҡсы.
ҠЫҘ
Яңы эш башламай, юлға сыҡмай тороғоҙ. Тышҡы ҡиәфәтегеҙгә лә үҙгәрештәр индерергә ашыҡмағыҙ, уларҙан ҡәнәғәт ҡалмаҫһығыҙ. Сабыр булһағыҙ, аҙна аҙағына яҡшы яңылыҡтар алырһығыҙ.
ҮЛСӘҮ
Эшмәкәрлек өлкәһен алмаштырырға теләһәгеҙ, әле иң ҡулай мәл. Ижад менән шөғөлләнеүҙән ҡәнәғәтлек алырһығыҙ. Эшлекле бәйләнештәр мул ғына аҡса килтерер.
САЯН
Йөкмәтелгән бурыстар артып китер. Әммә уларҙы тиҙ арала йырып сығырға өмөт итмәгеҙ. Ғөмүмән, әле мәшәҡәттәрҙе ситкә ҡуйып, төп иғтибарҙы ғаиләгеҙгә, яҡындарығыҙға йүнәлтегеҙ.
УҠСЫ
Был аҙнала яҙмышты хәл иткес осрашыу көтә. Уның тормошоғоҙҙо тамырынан үҙгәртеүе ихтимал. Финанс өлкәһендә уңыштар көтөлә. Мул ғына аҡса отоуығыҙ, коммерция килешеүе төҙөүегеҙ ихтимал.
ЫЛАҠ
Ғишыҡ уйыны көтөлмәгән эҙемтәгә килтереүе ихтимал. Кемдәрҙер ғаилә ҡорорға ҡарар итер. Әммә хис-тойғоларҙы ауыҙлыҡларға, ғүмер юлдашы итеп һайлаған кешегеҙгә тағы ла бер ҡат ҡараш ташларға кәңәш ителә.
ҺЫУҒОЯР
Осор байтаҡ үҙгәрештәр килтерер. Яҡындарығыҙ менән мөнәсәбәттәрҙә ҡатмарлы мәсьәләне хәл итеү мөмкинлеге тыуыр. Маҡсатығыҙға өлгәшергә теләһәгеҙ, эске тойомлауығыҙға ҡолаҡ һалығыҙ.
БАЛЫҠ
Етәкселеккә эшлекле тәҡдимегеҙҙе еткереү өсөн ҡулай аҙна. Яңы вазифа алырһығыҙ йәки яңы партнерҙар менән эш башларһығыҙ. Йондоҙҙар иң изге маҡсатығыҙға өлгәшергә ярҙам итер.
Фото: rewizor.ru
