+24 °С
Ямғыр
Матур үтһен ялығыҙ
3 Ғинуар 2021, 13:30
“Яңы йыл ғаилә уйындары” дауам итә
Спорт уйындарын хәүефһеҙ үткәреү өсөн бөтөн саралар ҙа күрелә. Саф һауалағы күңелле ярыштар һәр яҡтан да файҙалы.
Республикала бөгөн 637 мәктәп һәм спорт майҙандарында “Яңы йыл ғаилә уйындары-2021” старт алды. Уларҙа 17 меңдән ашыу кеше ҡатнашты. Был күңелле саралар 6 ғинуарға тиклем дауам итәсәк.
Спорт уйындарын хәүефһеҙ үткәреү өсөн бөтөн саралар ҙа күрелә. Саф һауала уҙғарыу һәр яҡтан да уңайлы. Ҡышҡы уйындар мауыҡтырғыс та, үҙенә күп кешене йәлеп итә лә ала. Саңғыла ярышыу, санала тау шыуыу, хоккей уйындары беҙҙә бик популяр. Уйындарҙа 50 меңдән ашыу бала һәм ата-әсәнең ҡатнашыуы көтөлә. Саралар планы муниципалитеттар тарафынан раҫланған. Ҡышҡы уйындарҙы Мәғариф һәм фән, Йәштәр сәйәсәте һәм спорт министрлыҡтары, “Берҙәм Рәсәй” партияһының төбәк бүлексәһе ойоштора.
“Яңы йыл ғаилә уйындары”н үткәреү республикала матур традицияға әүерелде. Бөгөн Өфөлә Ҡарһылыуҙар парады үтеүе хаҡында ла хәбәр иткәйнек.
Фото: ”Башинформ”.
