+20 °С
Болотло
Матур үтһен ялығыҙ
5 Март 2021, 15:38
ЙОНДОҘНАМӘ (8 – 14 март)
ҠУҘЫ
Осорҙо башлаған эште тамамлауға арнағыҙ. Әлегә тиклем ҡул теймәгән мәсьәләләр уңышлы хәл ителер. Үткән тормошоғоҙға байҡау яһағыҙ: кәрәкмәгән нәмәләрҙән арынырға кәрәктер, бәлки.
БУҒА
Дүшәмбе һәр йәһәттән уңыш йылмайыр, етәкселек алдында үҙегеҙҙе күрһәтеү мөмкинлеге тыуыр. Кесе йомаға тиклем һөнәри бурыстарҙы үтәгәндә иғтибарлы булығыҙ.
ИГЕҘӘКТӘР
Эшлекле һөйләшеүҙәр, килешеүҙәр төҙөү, реклама кампаниялары ойоштороу өсөн уңышлы аҙна. Шаршамбынан башлап осор аҙағына тиклем аҡсаға бәйле мәсьәләләрҙе кисектереп торорға кәңәш ителә.
ҠЫҪАЛА
Аҙнаның тәүге көнөндә бер аҙ аңлашылмаусанлыҡ тыуыуы ихтимал. Борсолмағыҙ, был ваҡытлы ҡыйынлыҡ. Хис-тойғоларығыҙҙы “ауыҙлыҡларға” тырышығыҙ, үҙегеҙгә генә зыян килер. Йомаға хәлегеҙ ыңғай яҡҡа үҙгәрер.
АРЫҪЛАН
Осор бер аҙ көсөргәнешле булмаҡсы. Шишәмбенән кесаҙнаға тиклем бәхәсле мәсьәләләрҙе хәл итергә тура килер. Аҙна аҙағына алдығыҙҙағы кәртәләр үҙ-үҙенән юҡҡа сығыр.
ҠЫҘ
Аҙнаның иң һөҙөмтәле көнө – дүшәмбе. Уны файҙаланып ҡалығыҙ. Өмөтлө танышлыҡ көтөлә. 13-өндә иғтибарығыҙ бер аҙ тарҡау булмаҡсы, документтарҙа хата ебәреп ҡуймағыҙ.
ҮЛСӘҮ
Һеҙҙе уңышлы осор көтә, айырыуса дүшәмбе шәхси тормошоғоҙҙа сағыу ваҡиғар булыр. Шаршамбы һәм кесаҙна мул ғына килем алыу мөмкинлеге бар, әүҙемлек күрһәтегеҙ.
САЯН
Дүшәмбе ең һыҙғанып эшкә тотоноғоҙ, табыш алыу мөмкинлеге ҙур. Был көндә шулай уҡ эшлекле һөйләшеүҙәр уңышлы үтер. Осор уртаһында өйҙәгеләр менән мөнәсәбәттәрҙә көсөргәнешлек көтөлә.
УҠСЫ
Аҙнаның тәүге көндәрен һөнәри эшкә һәм финанс мәсьәләләрен хәл итеүгә арнарға тырышығыҙ. Йомаға тиклем һөйләшеүҙәр уңышлы үтер. Осор аҙағы бер аҙ көсөргәнешле булмаҡсы, үҙегеҙҙе ҡулда тотоғоҙ.
ЫЛАҠ
Ни тиклем әүҙем булһағыҙ, шул тиклем ҙурыраҡ һөҙөмтәгә өлгәшерһегеҙ. Шишәмбе йәки кесаҙна мул ғына аҡса кереме көтөгөҙ. 13-өндә күптәнге мәсьәлә һеҙҙең файҙаға хәл ителер.
ҺЫУҒОЯР
Шишәмбенән кесаҙнаға тиклем һәр йәһәттән уңыш юлдаш булыр. Эш эҙләгәндәргә эш тәҡдим итерҙәр, йүнселдәр отошло килешеү төҙөр. Мөхәббәт өлкәһендә лә уңырһығыҙ.
БАЛЫҠ
Аҙна башында ярҙамға йәки кәңәшкә мохтажлыҡ кисерерһегеҙ, моғайын. Шулай ҙа әллә ни ҡыйынлыҡтар көтөлмәй. Яңы шөғөл тәҡдим итерҙәр, тәүәккәл булығыҙ. Аҙна аҙағына бүләк алып ҡыуанырһығыҙ.
