ЙОНДОҘНАМӘ (19 – 25 апрель)

Был аҙнала бөтәһе лә үҙе­геҙ­ҙең ҡулда. Хеҙмәттәштәрегеҙ менән аралашҡанда аҡыллы булығыҙ, яуызлыҡҡа изгелек менән яуап ҡайтарығыҙ. 19-ынан 21-енә тиклем уяулыҡ­ты юғалтмағыҙ: алдарға маташырҙар.

Осорҙоң тәүге яртыһы романтик мажараларға бай булмаҡсы. Һөнәри эшмәкәрлектә борсо­лорға урын юҡ, барыһы ла яҡшы. Үҙегеҙ тирәләй фекерҙәштәр туплар­һығыҙ. Һаулығығыҙға иғтибарҙы арт­тырығыҙ.

Хроник сирегеҙ үҙе хаҡында иҫкәртеүе ихтимал. Сәләмәт тормош алып барырға тырышығыҙ. Ял көндәрендә күберәк саф һауаға сығырға тырышығыҙ. 23-25 апрелдә көтмәгән сығанаҡтан аҡса килер, моғайын.

Эш урынында ғишыҡ уйындарынан йыраҡ тороғоҙ, был хәл яҡшыға килтермәҫ. Осор башында етәкселектең күҙенә салын­маҫҡа тырышығыҙ. Кисектергеһеҙ эш йәки көтөлмәгән хәбәр күктән ергә төшөргә мәжбүр итер.

Бик ылыҡтырғыс, әммә хәүефле тәҡдим яһауҙары ихтимал. Үҙегеҙҙе ике ут араһында ҡалғандай тойорһоғоҙ. Көсөгөҙгә ныҡлы ышанған осраҡта ғына уны ҡабул итегеҙ. Яҡын кешегеҙгә ярҙам итергә тура килер.

Был аҙнала иғтибар үҙәгендә шәхси мөнәсәбәттәр булыр. Яратҡан кешегеҙ менән һүҙгә килмәҫкә тырышығыҙ. Был арала бер-берегеҙҙән ял итеү ҙә зыян итмәҫ. Ҙур әйбер һатып алыуҙы ла кисектереп тороғоҙ.

Алдығыҙҙа ниндәй генә кәр­тәләр тормаһын, дөрөҫ юлды һайларһығыҙ. Көсөгөҙгә шиклән­мәгеҙ, барыһы ла ҡулығыҙҙан килә. Эске тойомлауығыҙ көсәйер, уға ҡолаҡ һалһағыҙ, хаталанмаҫһығыҙ.

Күптән онотолған кешеләр үҙҙәре хаҡында йәнә иҫкәртер. Әлегә бындай мәшәҡәттең һеҙгә кәрәге юҡ та бит! Осор етәкселек алдында эшегеҙҙе күрһәтеү өсөн уңайлы. Бөтә идеяларығыҙ хуплау табыр.

Был аҙнала шәхси мөнә­сәбәттәр киҫкенләшер. Һөй­гәнегеҙ менән араларығыҙ өҙөлһә, яҡшыға юрағыҙ. Тиҙҙән тормошоғоҙҙа яңы дәүер башланыр. Аҡсағыҙҙы юғалтырға теләмәһәгеҙ, бурысҡа бирмәгеҙ, кәңәш менән ярҙам итегеҙ.

22 – 25 апрель яҙмышығыҙҙы хәл иткес осорға әүерелеүе ихтимал. Мөһим эштәрҙе тап ошо көндәргә планлаштырығыҙ. Яҡын туғандарығыҙ бер аҙ борсоуға һалыр, моғайын. Ауыр саҡта дуҫтарығыҙға мөрәжәғәт итегеҙ.

Был арала юл йөрөүҙән тыйылып тороғоҙ. Һәр төрлө сәфәрҙәрҙе кисектереп тороу хәйерле. Бер аҙ тыныс ҡына ял итеп алыу зыян итмәҫ. Физик хеҙмәт менән дә шөғөлләнмәй тороғоҙ, имгәнеү йәки әүәлге ауырыуҙарҙың көсәйеү хәүефе бар.

Аҙна төрлө инстанцияларға мөрәжәғәт итеү, эш ҡағыҙҙарын әҙерләү, килешеү төҙөү, документ тултырыу өсөн ҡулай. Эштә лә яҡшы яңылыҡтар көтә. Хеҙмәт хаҡын арттырыуҙары, вазифала үрләтеүҙәре ихтимал. Матди хәлегеҙ яҡшырыр.