+20 °С
Болотло
Матур үтһен ялығыҙ
23 Апрель 2021, 13:57
ЙОНДОҘНАМӘ (26 апрель – 2 май)
ҠУҘЫ
Алдығыҙҙа ҡатмарлы, әммә үтәрлек бурыс тора. Яҡындарығыҙ, дуҫтарығыҙ, хатта таныш булмаған кешеләр алдында ла абруйығыҙ бермә-бер артыр. Эшегеҙҙә юғарыраҡ вазифа тәҡдим итеүҙәре ихтимал.
БУҒА
Уңышлы аҙна көтә. Кәйефегеҙ шәп булыр. Төртмә телле кешеләрҙең һүҙенә, ваҡ-төйәк хаталарға иғтибар итмәҫкә тырышығыҙ. 27-һенән 29-ына ҡарай төндә теләгән теләктәрегеҙ мотлаҡ тормошҡа ашыр.
ИГЕҘӘКТӘР
Аҙна аҙағына тәғәйенләнгән эшлекле осрашыуҙы нисек булһа ла кисектереп тороғоҙ. Мөмкинлектәрегеҙҙе һәм башҡаларҙың ихтыяждарын тейешенсә баһалап еткермәүегеҙ ихтимал. Иңегеҙгә ҙур бурыс алмағыҙ.
ҠЫҪАЛА
Һәр йәһәттән уңыш юлдаш булыр. Тик уларҙан башығыҙ әйләнеп, мөһим мәсьәләне күҙ уңынан ысҡындырып ҡуймағыҙ. Айырыуса юлда, халыҡ күп йыйылған ерҙә һаҡ булығыҙ.
АРЫҪЛАН
Бер аҙ ял итеп алыу зыян итмәҫ. Мөмкинлек юҡ икән, эштәге көсөргәнешлекте кәметегеҙ. Һөҙөмтәһеҙ, күңелһеҙ аралашыуҙарҙы сикләгеҙ. Насар нәмә тураһында уйламаҫҡа тырышығыҙ.
ҠЫҘ
Дуҫтарығыҙ, хеҙмәттәштәрегеҙ дәғүә белдереүе ихтимал. Бының сәбәбен үҙегеҙҙән эҙләгеҙ: һуңғы арала кешене йыш тәнҡитләйһегеҙ түгелме? Ғөмүмән, был аҙнала күп һүҙ һөйләмәҫкә кәңәш ителә.
ҮЛСӘҮ
Ваҡсыл булмағыҙ, ҡайһы саҡта дөйөм ҡағиҙәләрҙән тайпылырға мөмкин. Туҡланыуығыҙға иғтибар итегеҙ. 29 апрелдә мөһим яңылыҡ йәки бүләк көтөгөҙ. Ул һеҙҙең өсөн ҡыуаныслы булмаҡсы – кәйефегеҙ күтәрелер.
САЯН
Яҙмышты хәл иткес хәбәр көтөгөҙ. Әүәлге таныштарығыҙҙың тормошоғоҙға ҡайтанан килеп инеүе бар. Ашығыс ҡарар ҡабул итмәгеҙ. Байрам көндәрендә һаулығығыҙҙы ла хәстәрләү зыян итмәҫ.
УҠСЫ
Артыҡ әйберҙәрҙән ҡотолорға ваҡыт. Торлағығыҙҙы тәртипкә килтерегеҙ. Эшегеҙҙәге мәсьәләләр тураһында бер аҙ онотоп торһағыҙ ҙа була, унда әллә ни үҙгәрештәр көтөлмәй.
ЫЛАҠ
Шатлыҡтарға бай аҙна. Һеҙгә бер генә кәңәш – хис-тойғоларығыҙҙы барыһына ла асып бармағыҙ. Айырыуса эш урынында үҙегеҙҙе тыныс тоторға тырышығыҙ: алдаҡсылар, көнсөлдәр етерлек.
ҺЫУҒОЯР
Күптән борсоған мәсьәләләр үҙенән-үҙе хәл ителә башлар. Шәхси тормошоғоҙ тураһында берәүгә лә һөйләмәҫкә кәңәш ителә – көнсөлдәр күп, ә бына эш пландарығыҙ менән уртаҡлашырға ла була.
БАЛЫҠ
Ыңғай үҙгәрештәр мәле. Һеҙ уларҙы күптән көткәнһегеҙҙер, моғайын. Хәҙер иһә емештәрҙе татырға ваҡыт етте. Матди хәлегеҙ яҡшырыр, тик аҡсағыҙҙы һаҡлабыраҡ тотонһағыҙ ине.
