Ләйсән Үтәшева Раевкаға ҡайтты

Билдәле спортсы, сығышы менән Әлшәй районынан булған Ләйсән Үтәшева йыл да Раевка ауылында йәшәгән өләсәһе Зөбәржәт менән олатаһы Солтангәрәй эргәһенә ҡайтырға тырыша.

Быйыл да ире Павел Воля һәм балалары менән Башҡортостанға килгәндәр. Был хаҡта Ләйсән Үтәшева социаль селтәрҙәрҙә яҙа һәм алма йыйып йөрөгән мәлен видеоға төшөрөп һалған.

Зөбәржәт менән Солтангәрәй Кирәевтәр 60 йылдан ашыу бергә ҡулға-ҡул тотоношоп йәшәй. Ләйсән Үтәшева үҙенең интервьюларында уларға һоҡланыуын йәшермәй, яҡындарын ҡәҙерләп кенә тора. Олатаһы менән өләсәһенән өлгө алыуын һәм ғаиләне гел беренсе урынға ҡуйыуын билдәләй.

Билдәле булыуынса, ҡыҙғанысҡа ҡаршы, Ләйсәндең әсәһе Зөлфиә 2012 йылда 47 генә йәшендә йөрәк өйәнәгенән вафат булды.

Фото: Инстаграм.