Бауырҙан ҡатлы салат

Салатты әҙерләүе ауыр түгел. Бының өсөн 250-300 грамм һыйыр бауыры, биш йомортҡа, бер бешкән кишер, ике алма, бер баш һуған, 150 грамм колбасалы сыр, майонез кәрәк.

Әҙерләү:
Тәүҙә бауырҙы бешереп, ҡырабыҙ. Һуғанды шаҡмаҡлап киҫәбеҙ. Сырҙы, йомортҡаны, кишерҙе, алманы эре ҡырғыс аша үткәрәбеҙ ҙә салатты эшләй башлайбыҙ.
Беренсе ҡат – бауыр һәм тоҙ, икенсе ҡат – һуған, өсөнсө ҡат – алма, дүртенсе ҡат – кишер, бишенсе ҡат – йоморотҡа һәм тоҙ, алтынсы ҡат – сыр. Һәр ҡатын майонез менән буяйбыҙ.

Бына салатыбыҙ әҙер.

Ашығыҙ тәмле булһын!

Фото: yandex.ru