ҠУҘЫ
Һеҙҙең өсөн бик уңышлы аҙна көтөлә. Был айырыуса документтарға ҡул ҡуйыу, ҙур нәмәләр һатып алыуға ҡағыла. Ғаиләлә лә барыһы ла яҡшы, тик һаулығығыҙға иғтибарлыраҡ булыр кәрәк.
БУҒА
Ҡулығыҙҙан килмәгән эш юҡ. Көнкүреш мәсьәләләрен дә ыңғай хәл итерһегеҙ, эштә лә оҫталығығыҙҙы күрһәтерһегеҙ. Хеҙмәттәштәрегеҙ менән аңлашылмаусанлыҡ тыуыуы ихтимал – ғәйеп һеҙҙә түгел, шуға тыныс булығыҙ.
ИГЕҘӘКТӘР
Ошо осорҙа үҙегеҙҙән аҡса йәлләмәҫкә кәңәш ителә. Оҡшаған әйберҙе һатып алығыҙ, яҡындарығыҙҙы ла бүләк биреп шатландырығыҙ. Аҙна аҙағында яҡшы хәбәр ишетерһегеҙ.
ҠЫҪАЛА
Һәүетемсә аҙна көтөлә. Артыҡ көсөргәнешкә бирелмәгеҙ, йәшенеп тә ятмағыҙ. Туғандар менән мөнәсәбәттәрҙең бер аҙ боҙолоуы бар, шуға күрә мөмкинлек булһа, осрашмай тороғоҙ.
АРЫҪЛАН
Үҙегеҙҙе һаҡлап йөрөгөҙ. Быйыл ялда булмаһағыҙ – ваҡыт еткән. Батырға ла ял кәрәк. Ғаиләлә аңлашылмаусанлыҡ тыуыуы бар, шуға күрә яҡындарығыҙға иғтибарлы булығыҙ.
ҠЫҘ
Мәшәҡәтле осор. Дуҫтарығыҙ менән мөнәсәбәттәрҙә киҫкенлек һиҙелер. Борсолмағыҙ, был оҙаҡҡа түгел, оҙаҡламай барыһы ла яйланыр.
ҮЛСӘҮ
Тыныс һәм шатлыҡ-ҡыуаныстарға бай аҙна көтөлә. Ғаиләлеләрҙе балалары һөйөндөрөр. Өлкәндәр иһә иғтибар талап итер. Бурысҡа аҡса бирмәҫкә кәңәш ителә, хатта яҡындарығыҙға ла, юғиһә мөнәсәбәттәрҙең боҙолоуы ихтимал.
САЯН
Әйбер һатып алыуға, аҡсаға бәйле килешеүҙәр табыш килтерер, тик быны аҙнаның тәүге яртыһында эшләп ҡалығыҙ. Шаршамбынан һуң хәл-ваҡиғаларҙың ҡырҡа үҙгәреп китеүе бар. Һәр осраҡта ла тыныс булығыҙ.
УҠСЫ
Мөһим эштәрҙе аҙна аҙағына тиклем тамамларға кәңәш ителә. Тороп ҡалһа, бик оҙаҡҡа һуҙыласаҡ. Яҡындарығыҙға, балаларығыҙға иғтибарлы булығыҙ, улар менән күберәк ваҡытты бергә үткәрегеҙ.
ЫЛАҠ
Был аҙнала ир-атҡа иғтибарлы һәм һаҡ булырға кәңәш ителә. Был һаулыҡҡа ла, эш тармағына ла ҡағыла. Һөйгәнегеҙгә ҡарата артыҡ талапсанлыҡ низағҡа килтереүе бар. Гүзәл заттар иһә, яҡынығыҙҙы көнләшмәгеҙ.
ҺЫУҒОЯР
Ҡуйылған маҡсатҡа табан тайпылышһыҙ барығыҙ. Яңғыҙҙар өсөн уңайлы осор, яңы танышлыҡтар оҙайлы мөнәсәбәттәргә килтереүе ихтимал. 40 йәштән үткәндәргә тормошҡа ҡарашын ҡайтанан барлау зыян итмәҫ.
БАЛЫҠ
Эш кешеләре өсөн ҡулай аҙна. Оҡшамаһа, алмаштырырға була, етәкселектән хеҙмәт хаҡын арттырыу тураһында ла һорарға мөмкин. Шулай ҙа тәҡдимдәрҙе ныҡлы уйлап ҡабул итегеҙ.