ЙОНДОҘНАМӘ (13 – 19 декабрь)

ҠУҘЫ

Яңы кешеләр менән та­ны­шырһығыҙ. Осор көнкүреш тех­никаһы, йорт өсөн тауарҙар һатып алыу өсөн ҡулай. Төҫ-ҡиәфәтегеҙҙе үҙгәртеү теләге тыуыр. Бер аҙ ял итеп алыу ҙа зыян итмәҫ. Яҡындарығыҙ ярҙам һорар, баш тартмағыҙ.

БУҒА

Күптән түгел ниндәйҙер хәлде күҙаллап әйткән һүҙҙәрегеҙҙең ысынбарлыҡҡа тап килеүенә шаһит булырһығыҙ. Ҡайһы бер мәсьәләләрҙең хәл ителеүе үҙегеҙгә ышаныс өҫтәр. Һүҙегеҙҙе уйлап һөйләргә тырышығыҙ, юғиһә уңайһыҙ хәлгә ҡалыуығыҙ бар.

ИГЕҘӘКТӘР

Күптәнге хыялығыҙҙы тор­мошҡа ашыра башларға ваҡыт. Һәләтегеҙҙе тулыһынса күр­һәтегеҙ. Планығыҙҙы ышаныслы кешеләр менән генә уртаҡла­шығыҙ. Бала саҡ дуҫығыҙ менән осрашып ҡыуанырһығыҙ.

ҠЫҪАЛА

Яҡындарығыҙҙың кәңәшенә мотлаҡ ҡолаҡ һалығыҙ. Матди ҡыйынлыҡ тыуыр, тик борсол­мағыҙ барыһы ла тиҙҙән яйланыр. Әлегә аҡсағыҙҙы юҡ-барға сарыфламай тороғоҙ. 19 декабрҙә һаҡ булығыҙ: алданыу хәүефе бар.

АРЫҪЛАН

Һуңғы ваҡытта тынғы бир­мәгән мәсьәлә, ниһайәт, уңышлы хәл ителер. Уның ҡарауы, шәхси мөнәсәбәттәр бер аҙ киҫкенләшер. Һөйгәнегеҙ менән айырылышыу хәүефе лә юҡ түгел.

ҠЫҘ

Аҙна башында сағыу ваҡиға, ҙур ғына бүләк көтә. Шул уҡ ва­ҡытта яуаптарға ҡарағанда һо­рауҙар күберәк булыр. Аҙна урта­һына фекерегеҙ тарҡауланыр, был хеҙмәт эшмәкәрлегендә сағылмай ҡалмаҫ. Етәкселектең дәғүә белдереүе ихтимал.

ҮЛСӘҮ

Йондоҙҙар был арала үҙ көсө­гөҙгә генә таянырға кәңәш итә. Серегеҙҙе берәүгә лә асмағыҙ. Мөһим проекттарҙы кисектереп тороу хәйерле. Шул уҡ ваҡытта ял итеү менән бәйле пландарығыҙ уңышлы тормошҡа ашыр.

САЯН

Артыҡ тырышлыҡ һалмай ғына маҡсатығыҙға өлгәшә алыр­һығыҙ. Осор сәйәхәт итеү өсөн дә ҡулай. Тик был арала халыҡ күп йыйылған ерҙәрҙән йыраҡ йөрөү хәйерле. Һаулығығыҙҙы хәстәрләгеҙ.

УҠСЫ

Күңелегеҙҙең иләҫ-миләҫ килгән сағы. Ниндәйҙер аван­тюраға эләгеү хәүефе бар, һаҡ булығыҙ. Ғөмүмән, был аҙна көн­дәлек мәшәҡәттәр менән шөғөлләнеү өсөн ҡулай. Яңғыҙҙарҙың ғүмерлек юлдашын осратыуы ихтимал.

ЫЛАҠ

Ниндәйҙер мөһим нәмәгә аҡса һалырға, ҡиммәтле әйбер һатып алырға тәҡдим итерҙәр. Һөй­ләшеү уңышлы булыр, маҡса­тығыҙға өлгәшерһегеҙ. Дорфа бул­мағыҙ, яҡынығыҙ менән үпкәләшерһегеҙ.

ҺЫУҒОЯР

Яңы кешеләр менән танышыу бик ҡыҙыҡлы һәм һөҙөмтәле булыр. Өйҙә ултырмаҫҡа тыры­шы­­ғыҙ, дуҫтарығыҙ менән ара­лашығыҙ, мәҙәни сараларға йөрө­гөҙ. Эштә мөнәсәбәттәрҙең бер аҙ киҫкен­лә­шеүе ихтимал. Мөһим мәсьәләләрҙе ашы­ғыс хәл итмәгеҙ, әле бының өсөн ваҡыт етмәгән.

БАЛЫҠ

Был аҙнала алдығыҙға ҙур маҡсаттар ҡуйып, шуларға өл­гәшеү юлын эҙләгеҙ. Ваҡ-төйәккә иғтибарығыҙҙы бүлмәгеҙ. Аҙна уртаһынан хәлегеҙ яҡшы яҡҡа үҙгәрер. Етәкселек менән аралашыу һөҙөмтәһеҙ булмаҫ, вазифала үрләтеүҙәре ихтимал.