ЙОНДОҘНАМӘ (20 – 26 декабрь)

ҠУҘЫ

Яңы инвестиция проектында ҡатнашырға, инвестиция һалыр­ға тәҡдим итерҙәр. Эшмәкәр­лекте тамырынан үҙгәртеүегеҙ ихтимал. Ҡарар ҡабул иткәндә ашыҡмағыҙ, һеҙҙең менән етди ҡыҙыҡ­һын­һалар, яуапты көтөрҙәр. Таныш булмаған кешеләргә ышанмағыҙ.

БУҒА

Аҙна үҙенсәлекле булмаҡсы. Айырыуса гүзәл заттар иғтибар үҙәгендә булыр. Көслө заттарҙы ҡыҙыҡлы осрашыу, аҡса мәсьәлә­һендә уңыш көтә. Күсемһеҙ милеккә бәйле хәлдә бер аҙ тотҡарлыҡ булыуы ихтимал.

ИГЕҘӘКТӘР

Был аҙнаға һеҙҙең девиз – ниндәй генә хәл булмаһын, тыныс ҡалыу. Дүшәмбенән үк мә­шә­ҡәт артып китер. Эш планын төҙөп ҡуйығыҙ, юғиһә нимә­нелер онотоуығыҙ ихтимал. Уның ҡарауы матди йәһәттән уңышлы аҙна.

ҠЫҪАЛА

Аҙна һәр төрлө башланғыс өсөн ҡулай. Тик ваҡ-төйәккә иғтибарығыҙҙы бүлмәй, ҙур һәм мөһим мәсьәләләр менән шө­ғөл­ләнеү отошло булмаҡсы. Эштә яуаплы бурыс йөкмәтерҙәр, ҡайһы берәү­ҙәрҙе алмаштырырға ла тура килер, моғайын.

АРЫҪЛАН

Был осорҙо һеҙҙең өсөн ике һүҙ менән тасуирларға мөмкин. Мәшәҡәттәр һәм ғәжәпләнеүҙәр осоро. Аҙнаның тәүге яртыһында мөһим килешеү төҙөрһөгөҙ, абруйлы кеше­ләр менән танышырһығыҙ, икенсе ярты­һында күптән көткән яңылыҡты ишетерһегеҙ.

ҠЫҘ

Был аҙнала бөтә иғтибарығыҙ һөнәри эшмәкәрлеккә йүнәлте­лер. Яҡшы хәбәр алырһығыҙ. Дуҫтарығыҙ менән осрашып, киләсәккә пландар менән уртаҡ­лашығыҙ. Был финанс хәлегеҙгә ыңғай йоғонто яһар.

ҮЛСӘҮ

Һөнәри мәсьәләләрҙе ситкә ҡуйып тороу теләге тыуыр. Сит кешеләрҙең проблемаларына иғтибар итмәгеҙ, юғиһә иңегеҙгә өҫтәмә бурыс йөкмәтеүҙәре ихтимал. Етәкселек менән килешеп, ял алыу ҙа зыян итмәҫ.

САЯН

Аҙна башында эшлекле осра­шыуҙар уңышлы үтер. Үҙегеҙгә кәрәкле кешеләрҙе мөһим проект менән таныштырыу сараһына са­ҡы­рырһығыҙ. Аҡсағыҙҙы сарыфламай торо­ғоҙ, көтөлмәгән сығым булыуы ихтимал.

УҠСЫ

Аралашҡанда һүҙегеҙҙе уйлап һөйләргә тырышығыҙ, кешене хатта шаяртып та иреш­термәгеҙ. Пландарығыҙ даими үҙгәреп торор. Көтмәгәндә ҡунаҡ килеүе ихтимал. Яңы йылды бурысһыҙ ҡаршылау теләге тормошҡа ашыр, моғайын.

ЫЛАҠ

Тормошоғоҙҙа яңы осор башлана. Яңы әйбер һатып алып, ҡыҙыҡлы кешеләр менән танышып ҡыуанырһығыҙ. Ошондай танышлыҡтар хыялығыҙҙы тор­мош­ҡа ашы­рырға булышлыҡ итер. Бизнес өлкәһендә юғары һөҙөмтәгә өлгәшеү мөмкинлеге бар.

ҺЫУҒОЯР

Күңел тотороҡһоҙлоғо тап ошо аҙнала яйға һалыныр. Өҫ­төнлөк­тәрҙе билдәләрлек ваҡиға булыр. Яҡындарығыҙ ярҙам һо­рар, баш тартмағыҙ. Аҡса мәсьәләһе икен­се урынға күсер, эштә мәшәҡәт артыр.

БАЛЫҠ

Аҙнаның тәүге ике көнө күтә­ренке кәйефтә үтер. Йомаға тиклем әллә ни мөһим эштәр көтөл­мәй, бер аҙ ял итеп алыу зыян итмәҫ. Осор аҙағында яҡынығыҙ менән мөнәсәбәттәр киҫкенләшер, быға юл ҡуймаҫҡа тырышығыҙ. Сәфәрҙе кисектереп тороу хәйерле.