ЙОНДОҘНАМӘ (28 март – 3 апрель)

ҠУҘЫ

Күптәнге ваҡиғаны иҫкә төшө­рөр­гә тура килер, моғайын. Уға ҡара­шығыҙ үҙгәрер. Эштә мөһим бурыс йөкмәтерҙәр. Үҙегеҙҙе күр­һәтеү мөм­кинлеге тыуыр. Бер генә кәңәш – киләсәккә планығыҙҙы берәүгә лә һөйләмәгеҙ.

БУҒА

Финанс йәһәтенән аҙна бер аҙ сетерекле булмаҡсы. Кемдер бу­рысҡа аҡса һорар, моғайын. Баш тартырға уңайһыҙланырһығыҙ. Шул уҡ ваҡытта аҡсағыҙҙы юғалтыу хәүефе бар, сөнки алған кеше уны кирер ҡайтарырға ашыҡмаҫ, һүҙгә килерһегеҙ.

ИГЕҘӘКТӘР

Был аҙнала төп иғтибарҙы ара­лашыуға, файҙалы бәйләнеш­тәр булдырыуға йүнәлтегеҙ, сөнки нин­дәйҙер мөһим мәсьәләне хәл иткән­дә ситтән ярҙамға мохтаж булырһы­ғыҙ. Ҡулығыҙға көтмәгәндә мул ғына аҡса төшөр.

ҠЫҪАЛА

Аҙна киләсәкте хәстәрләү өсөн ҡулай. Эшлекле һәм шәхси мө­нәсәбәттәрҙәге үҙгәрештәргә айырыуса етди ҡарағыҙ. Дүшәмбегә ҡа­рай төндә мөһим һөйләшеү йәки хат­лышыу булыуы ихтимал. Йома тормо­шо­ғоҙҙоң аҫтын-өҫкә килтергән осрашыу булыр.

АРЫҪЛАН

Яҡын киләсәк хаҡында уйла­ныр­ға ваҡыт. Фатир мәсьәләһен хәл итеү, торлағыңды йәки уға ҡағылған документтарҙы тәртипкә килтереү менән шөғөлләнерһегеҙ, моғайын. Күп аралашырға тура килер. Шәмбе көнө һаҡ булығыҙ, ашығыс ҡарарҙарҙан һәм артыҡ һүҙҙәрҙән ҡасығыҙ.

ҠЫҘ

Осор бер аҙ ҡатмарлы башланыр. Уның ҡарауы, аҙна уртаһында дуҫтарҙың ярҙамы пландарығыҙҙы тормошҡа ашырыуға ыңғай йоғонто яһар. Шаршамбынан юлығыҙҙағы кәртәләр үҙенән-үҙе юҡҡа сығыр. Аҙна төрлө учреждениеларҙа йәки социаль-административ ойошмаларҙа мәсьәләләрҙе хәл итеү өсөн бик уңайлы.

ҮЛСӘҮ

Был аҙналағы ваҡиғалар башлыса карьераға бәйле булыр. Аҙна уртаһын мөһим мәғлүмәт эҙләү өсөн файҙаланығыҙ. Буш бәхәс­тәрҙән һәм һөйләшеүҙәрҙән ҡасырға тырышығыҙ. Йома кисе күңелле осрашыу һәм аралашыу вәғәҙәләй. Ял көндәрендә мул ғына килем алыу мөмкинлеге бар.

САЯН

Осор бик күп ҡыҙыҡлы мөмкин­лектәр асыр. Шишәмбе мөһим эш башларһығыҙ, моғайын. Кесе йома күңел төшөнкөлөгө, тормоштан ҡәнә­ғәтһеҙлек тойғоһо биләп алыр. Хистәрҙе ҡулда тоторға тырышығыҙ. Шәмбе эшлекле мөнәсәбәттәр йәнләнер.

УҠСЫ

Саманан тыш әүҙем булырһы­ғыҙ, моғайын. Был яҡшы, әлбиттә. Өҫтәүенә пландарығыҙ ҙа байтаҡ. Хыял диңгеҙендә йөҙөүҙе туҡта­тырға ваҡыт. Аҙнаның икенсе ярты­һында һәр эште теүәл башҡарығыҙ, айырыуса мөһим осрашыуға барғанда. Туғандар менән аралашҡанда сабыр булығыҙ.

ЫЛАҠ

Күптәнге мөһим мәсьәләне хәл итеп ҡыуанырһығыҙ. Шаршамбы күңелле ваҡиғалар менән һуға­ры­лыр. Етәкселеккә үтенесегеҙ булһа, тап ошо көндө уларға ҡыйыу мөрә­жә­ғәт итә алаһығыҙ – ыңғай һөҙөмтә алыр­һы­ғыҙ. Йома – эшлекле тәҡ­димдәр өсөн уңышлы көн, әммә коллегаларығыҙҙың кәңәшенә ҡолаҡ һалығыҙ.

ҺЫУҒОЯР

Был аҙнала уртаҡ эшкә аҡса һа­лырға ашыҡмағыҙ. Шаршамбынан һөнәри эшмәкәрлектә мәшәҡәт артып китеүе ихтимал. Һеҙгә көсөр­гәнештән һаҡланырға кәрәк: һау­лығығыҙ зыян килеүе бар. Сираттан тыш отпуск алыу ҙа файҙаға булыр.

БАЛЫҠ

Эш күләме һиҙелерлек артып китер, ләкин көсөгөҙҙән килгәндең барыһын да эшләргә тырышығыҙ. Һөнәри эшмәкәрлектә үҫешкә өл­гә­шеү өсөн ҡулай ваҡыт. Тик бары­һын да намыҫ менән башҡарығыҙ. Башҡаларға үҙ ҡа­рашығыҙҙы көсләп таҡмағыҙ, һүҙгә килеү хә­үефе бар. Йома көндө яҡынығыҙ ярҙам һорар, моғайын.