Башҡортостан
+10 °С
Болотло
VKOKРУС
Бөтә яңылыҡтар
Матур үтһен ялығыҙ
10 Июнь 2022, 16:12

ЙОНДОҘНАМӘ (13 – 19 июнь)

cosmoki.ru
Фото:cosmoki.ru

 ҠУҘЫ

Дүшәмбе һәм шишәмбе мәшә­ҡәттәр артып китер. Ни тиклем тырышһағыҙ ҙа, барыһына ла өлгөрә алмаҫһығыҙ. Яҡындарығыҙ менән аҡсаға бәйле мөнәсәбәттәр­ҙең киҫкенләшеүе ихтимал.

 

БУҒА

Аҙна башында кеше менән аралашыуҙа ҡыйынлыҡтар тыуыр. Абруйығыҙға тап төшөрөр­лөк сәйер эшкә ылыҡтырырға тырышыр­ҙар. Осраҡлы әҙәмдәргә ышанма­ғыҙ. Осор торлаҡ мәсьәләһе менән шөғөл­ләнеү өсөн ҡулай.

 

ИГЕҘӘКТӘР

Матди мәсьәлә тәүге урынға сығыр. Кәрәкле әйбер һатып алыуҙы кесаҙнаға тиклем кисектереп тороғоҙ. Аҙна аҙағына мул ғы­на килем алыу мөмкинлеге бар. Ял көн­дәре­нә мөһим эштәрҙе планлаштырмау хәйерле.

 

ҠЫҪАЛА

Һөйгән кешегеҙ менән аңла­шыл­маусанлыҡ тыуыр. Низағтың сәбәбе ғаиләлә кем баш булыуын асыҡлауға ҡайтып ҡалыр. Мөнә­сә­бәттәрҙе яйға һалырға телә­һәгеҙ, өндәш­мә­геҙ.

 

АРЫҪЛАН

Яҡындарығыҙ менән аралаш­ҡанда мин-минлектән баш тар­тығыҙ. Бергәләп кенә һәр мәсьә­ләне уңышлы хәл итә алырһығыҙ. Осор киләсәккә план ҡороу өсөн ҡулай.

 

ҠЫҘ

Был арала күңелегеҙҙең иләҫ-миләҫ сағы, шуға күрә ҡомарлы уйындарҙан баш тартығыҙ, аҡса­нан ҡолаҡ ҡағырһығыҙ. Аҙна урта­һында һөнәри һәм социаль уңыштарығыҙға бәйле ярҙамды ныҡлы тойорһоғоҙ.

 

ҮЛСӘҮ

Дүшәмбе һәм шишәмбе күңел тыныслығын һаҡлағыҙ. Шаршамбынан бөтә проблемалар үҙенән-үҙе хәл ителер. Берәүҙәр көтмәгән­дә сәйәхәткә юлланыр, икенселәр матди хәлен яҡшыртыу юлын табыр.

 

САЯН

Уҡып йөрөгәндәр өсөн көсөргә­нешле аҙна. Шулай уҡ юридик мәсьәләләрҙе лә хәл итмәгеҙ. Иң отошлоһо – һаулыҡты хәстәрләү. Аҙна аҙағында сәйер кешенән хәбәр килер, уға яуап бирергә ашыҡмағыҙ.

 

УҠСЫ

Ижади эш менән янырһығыҙ. Яңы проекттарҙың һөҙөмтәһе ҡыуандырыр. Күсемһеҙ милектән табыш алыу мөмкинлеге бар. Тик яҡындары­ғыҙҙың һеҙҙең яҡтан иғтибар булмауға зарланыуы ихтимал.

 

ЫЛАҠ

“Ял итергәме, әллә аҡса эшләр­гәме?” тип, ике ут араһында ҡа­лыр­һығыҙ. Ремонт йәки икенсе ергә күсеүҙе планлаштырһағыҙ, ниәтегеҙҙе тормошҡа ашырырға ваҡыт.

 

ҺЫУҒОЯР

Ғаиләгеҙ, йорт мәшәҡәттәре күп ваҡытты алыр. Уңышҡа өлгә­шергә яҡындарығыҙ ярҙам итер. Осорҙоң икенсе яртыһында ҡыҙыҡ­лы сәфәргә сығырһығыҙ, яңы кешеләр менән танышырһығыҙ.

 

БАЛЫҠ

Белем алыу, тәжрибә уртаҡла­шыу йәһәтенән файҙалы аҙна. Аҡса эшләү мөмкинлеге артыр. Һөйгән кешегеҙгә көнләшеү өсөн сәбәп тыуҙырмағыҙ.

Читайте нас в