ҠУҘЫ
Һуңғы ваҡытта тынғы бирмәгән мәсьәләне хәл итерһегеҙ. Эштә етәкселектең һеҙгә ҡарата мөнәсәбәте яҡшы яҡҡа үҙгәрер. Вәғәҙә биргәндә көсөгөҙҙө самалағыҙ, был айырыуса оҙайлы килешеүҙәргә ҡағыла.
БУҒА
Әйбер һатып алыу өсөн ҡулай осор. Бөтә нәмә еңел бирелер, шул уҡ ваҡытта бәхәсле хәлдәр ҙә булыр. Тик матур итеп һөйләшә белеүегеҙ һәр йәһәттән ярҙам итер.
ИГЕҘӘКТӘР
Эштәрегеҙ берсә туҡтап ҡалыр, берсә әүҙем алға барыр. Һөнәри эшмәкәрлектә яңы мөмкинлектәр асылыр, финанс хәлегеҙ яҡшырыр. Уның ҡарауы, үҙегеҙ өсөн ҡәҙерле нәмәнән баш тартырға тура килер.
ҠЫҪАЛА
Көс-ҡеүәтегеҙҙең артҡанын тойорһоғоҙ. Аҡсаға бәйле күптәнге проблеманы кинәт кенә хәл итерһегеҙ. Эш урынында ла хеҙмәт хаҡына өҫтәмә йәки премия түләүҙәре ихтимал.
АРЫҪЛАН
Фекерҙәштәр менән аралашыуға бай осор. Гүзәл заттарҙы ҡыҫҡа ғына романтик осрашыу көтә. Көслө заттарға иһә һаулығын хәстәрләргә кәңәш ителә, иҫерткес эсемлектәрҙән баш тартыу хәйерле.
ҠЫҘ
Мөхәббәт һәм бәхет – был аҙнала һеҙҙең тоғро юлдашығыҙ. Хис-тойғоларығыҙҙы әйтеп биреүҙән тартынмағыҙ. Никахлашыу өсөн дә ҡулай осор. Бер генә кәңәш – аҡсағыҙҙы һаҡ тотоноғоҙ.
ҮЛСӘҮ
Тәүәккәллегегеҙ хаттин ашыр. Ҡайһы бер мәсьәләләрҙе хәл итеүҙә әүәлге алымдар файҙаһыҙ булыр, шуға күрә яңы мөмкинлектәрҙе барлағыҙ. Яҡындарығыҙ был арала яңы үрҙәргә дәртләндерер.
САЯН
Был арала һеҙгә ярҙам итергә теләгәндәр күбәйеп китер. Ылыҡтырғыс тәҡдимдәрҙән баш тартмағыҙ, улар карьера йәһәтенән үҫеш килтерер. Һөйөнөслө хәбәр алыуығыҙ ҙа ихтимал.
УҠСЫ
Ниәттәрегеҙҙе тормошҡа ашырыуға бөтә көсөгөҙҙө һалығыҙ – әле бик уңайлы осор. Тормош юлдашын осратыуығыҙ мөмкин. Аҙна аҙағына мул ғына табыш алырһығыҙ.
ЫЛАҠ
Эмоциональ хәлегеҙ тотороҡһоҙ булыр. Шаршамбынан хәл яҡшы яҡҡа үҙгәрер. Сәйәхәткә сығыу мөмкинлеге булһа, баш тартмағыҙ – рухи үҫешкә булышлыҡ иткән кеше менән танышырһығыҙ.
ҺЫУҒОЯР
Үҙегеҙгә аҡса йәлләмәгеҙ. Төрлө дин, фән һәм мәҙәниәт вәкилдәре өсөн аҙна сағыу ваҡиғаларға бай булыр. Мәсьәләләрҙе хәл иткәндә кеше һүҙенә ҡолаҡ һалмағыҙ. Йорт мәшәҡәттәрен кисектереп, ял итегеҙ.
БАЛЫҠ
Тормошоғоҙҙо яҡшы яҡҡа үҙгәрткән кеше менән танышыу мөмкинлеге юғары. Ауыр мәлдә тап ул ярҙамға килер. Сәләмәт тормош алып барығыҙ, үҙгәрештәрҙән ҡурҡмағыҙ.