ЙОНДОҘНАМӘ (26 сентябрь – 2 октябрь)

 ҠУҘЫ

Ҡатмарлы мәлдәр күп булыу­ға ҡарамаҫтан, унышлы аҙна. Күптәрҙең иғтибарын йәлеп итер­һегеҙ, әммә һеҙҙән көнләшеүселәр ҙә бар – һаҡ булығыҙ.

БУҒА

Аҙна башында уҡ ниндәйҙер көтөлмәгән ыңғай хәл булыр, әммә артабан уның ҡуйырып, бөтөнләй икенсе йүнәлеш алып китеүе ихтимал. Уны еңеп сығырға дәртегеҙ бар, ә бына дарманығыҙ юҡ.

ИГЕҘӘКТӘР

Уйландыра торған көндәр. Проблемаларҙы барлап, уларҙы хәл итеү юлдарын эҙләгеҙ – барыһы ла яҡшы булыр.

ҠЫҪАЛА

Аҙна уңышлы булыр. Дөрөҫ ҡарар ҡабул итеү өсөн күп ваҡыт талап ителмәй. Бүләк, килем алыуығыҙ ихтимал.

АРЫҪЛАН

Тормошоғоҙҙо үҙегеҙ ҡатмар­лаштыраһығыҙ. Тормошҡа аш­маҫ­лыҡ хыялға ваҡыт сарыф иткән­се, тәртибегеҙҙе баһалау урынлыраҡ булыр.

ҠЫҘ

Күпкә өмөт иткәнгә күрә, тор­мошҡа ашҡан теләктәрегеҙ ҡәнә­ғәтләндермәҫ. Яңы ишектәр асыла, ә һеҙ һаман элеккеләре ябыл­ғанға көйәләнәһегеҙ.

ҮЛСӘҮ

Аҙна күңелһеҙ башланып китер. Етмәһә, ҡаршылыҡтарҙан шул тиклем ҡурҡаһығыҙ, планда­рығыҙҙан тиҙ генә баш тартаһығыҙ. Ә бит, уйлап ҡараһаң, хәлегеҙҙән күп нимә килер ине.

САЯН

Эшлекле һәм шәхси мөнәсә­бәттәрҙә проблемалар булыр, һеҙҙең ғәйеп менән низағ сығыуы ихтимал. Мәнфәғәтегеҙҙе яҡлайым тип, дошмандар һанын арттыраһығыҙ.

УҠСЫ

Ҡаршылыҡлы көндәр килер. Баш­ҡалар көйөр ине, ә һеҙ шат: нимәлер булыр тип көткәнсе, бы­на бит, ваҡиғалар бара! Күп сәйәхәт итерһегеҙ, яңы таныштар барлыҡҡа килер.

ЫЛАҠ

Аҙна башында етди хата яһау­ҙан һаҡ булығыҙ: әгәр ошоно булдырмаһағыҙ, артабан күпкә еңел булыр.

ҺЫУҒОЯР

Башҡаларҙы ишетергә һәм аңларға өйрәнергә кәрәк. Әлегә һеҙ үҙ хис-тойғоларығыҙға ғына ҡолаҡ һалаһығыҙ.

БАЛЫҠ

Дөрөҫ фекерләгәнгә күрә, байтаҡ проблемаларҙы еңел хәл итерһегеҙ. Быға һөнәри оҫталыҡ, кешеләр менән эш итә белеү, алдан һиҙемләү тойғоһо ла ярҙам итә.