ҠУҘЫ
Шәхси мөнәсәбәттәр менән эш араһында алтын урталыҡты табығыҙ. Хистәргә бирелер мәл түгел. Башығыҙҙы юғалтһағыҙ, эштә ауырлыҡтар тыуыр. Мөһим ҡарар ҡабул иткәндә ҡабаланмағыҙ.
БУҒА
Үҙгәрештәргә әҙер тороғоҙ. Әлеге мәлдә тыныслыҡ һаҡлау мөһим. Көндәлек мәшәҡәттәрҙән арыныу хәйерле. Танышыу, дуҫтар менән осрашыу, театр, филармонияға йөрөү өсөн һәйбәт мәл.
ИГЕҘӘКТӘР
Икенсе яртығыҙ менән аңлаша алмау мөнәсәбәттәрҙең боҙолоуына килтерер. Эште ҙурға ебәрмәҫ өсөн күп көс һалырға тура киләсәк. Йәрегеҙгә ышанығыҙ һәм һәр аҙымын контролдә тоторға тырышмағыҙ.
ҠЫҪАЛА
Һеҙҙе уңышлы мәл көтә. Был аҙнала танышҡан кеше менән оҙайлы мөнәсәбәттәр булдырырһығыҙ. Абруйлы, хөрмәтле кешеләр менән аралашыу файҙалы тәжрибә бирәсәк.
АРЫҪЛАН
Гел генә ниндәйҙер үҙгәрешкә ынтылырһығыҙ, әммә был осорҙа тормошоғоҙҙо икенсе яҡҡа бороп ебәрергә ашыҡмағыҙ. Көсөгөҙҙө самалағыҙ. Юлда йөрөгәндә һаҡ булығыҙ.
ҠЫҘ
Ҡапма-ҡаршылыҡтарҙан ҡасып булмаҫ. Алтын урталыҡты табырға тырышығыҙ. Һөйгәнегеҙҙең кәңәштәренә ҡолаҡ һалып эш итегеҙ. Эштә иһә хеҙмәттәштәрегеҙҙән айырылмағыҙ. Был аҙнаны һәүетемсә генә үткәрегеҙ.
ҮЛСӘҮ
Һуңғы ваҡытта тормош сағыу төҫтәрен юғалтҡан кеүек булып тойола икән, барыһын да ыңғай яҡҡа үҙгәртеү – һеҙҙең ҡулда. Мөһим ҡарарҙар ҡабул итеүҙән ҡурҡмағыҙ.
САЯН
Яңы бәйләнештәр булдырыу, дуҫтар табыу өсөн уңайлы мәл. Ташып торған дәртегеҙҙе һүрелдермәҫ өсөн дуҫтарығыҙ менән йышыраҡ аралашығыҙ. Ижади һәләттәрҙе үҫтереү мөмкинлегенән баш тартмағыҙ.
УҠСЫ
Көндәлек мәсьәләләрҙе хәл итеү күп ваҡытты аласаҡ. Кәйефегеҙ ҡырылыр. Күңел төшөнкөлөгөнә бирелмәҫ өсөн йышыраҡ кеше араһына сығығыҙ, китап уҡығыҙ.
ЫЛАҠ
Яҡындарығыҙ һеҙҙең иғтибарығыҙға мохтаж. Ғаиләгеҙгә мөмкин тиклем күберәк ваҡыт бүлегеҙ. Ял көндәрендә ҡайҙалыр сығып килеү ҙә файҙаға ғына булыр. Эштәге әүҙемлек үҙен аҡлар.
ҺЫУҒОЯР
Хис-тойғоларға бирелеп, хаталарға юл ҡуймағыҙ. Кемгәлер биргән вәғәҙәне үтәмәй ҡалмағыҙ. Эшҡыуарлыҡ менән шөғөлләнгәндәр өсөн килемле осор.
БАЛЫҠ
Аҙнаның икенсе яртыһында көс-дарманығыҙ ташып торор. Ошо мәлде мөмкин тиклем файҙаланып ҡалығыҙ. Йышыраҡ осрашыуҙарға йөрөгөҙ. Мул килем алыуығыҙ көтөлә.