Өй шарттарында - "Курабье" печеньеһы

"Курабье" печеньеһын бешереү өсөн 100 грамм аҡ май, 50 грамм шәкәр пудраһы, 150 грамм он, бер йомортҡа, абрикос джемы йәки үҙегеҙгә оҡшаған повидло кәрәк.

Әҙерләү

Аҡ майҙы миксер менән туғыйбыҙ, шәкәр пудраһы ҡушып тағы ла туғыйбыҙ. Йомортҡа, он һалып, миксер ярҙамында талғын ғына бутайбыҙ. Шунан ҡул менән һәйбәтләп баҫабыҙ. Ҡамыр йомшаҡ ҡына булырға тейеш, уны пластик һауытҡа йәки кондитер ҡапсыҡҡа һалып торабыҙ. Йондоҙ рәүешендәге ҡорамал (насадка) ҡулланып, табаға печеньеларҙы теҙәбеҙ. Уртаһын бе аҙ баҫып, джем һалабыҙ. Духовканы 220 градусҡа тиклем йылытып, 10 минут тирәһе бешерәбеҙ.

Ашығыҙ тәмле булһын! 

Фото: picatom.com