ЙОНДОҘНАМӘ (31 октябрь – 6 ноябрь)

 ҠУҘЫ

Аҙна ваҡиғаларға бай бул­маҡ­сы. Уның тәүге яртыһы уҡыу һәм сәйәхәт итеү өсөн ҡулай түгел. Осорҙоң икенсе яртыһында яҡын­дарығыҙ менән аралашҡанда итәғәт­лерәк бу­лырға кәңәш ителә, низағлашыу хәүефе бар.

БУҒА

Ғаиләлә мөнәсәбәттәр ал да гөл булыр. Уның ҡарауы, яңғыҙ­ҙарҙың дуҫтары менән үпкәләшеүе ихтимал. Шау-шыулы кисәләргә йөрөмәй тороу хәйерле. Һаулығығыҙҙы хәстәрләгеҙ. 

ИГЕҘӘКТӘР

Насар ғәҙәттәрҙән ҡотолоу өсөн ҡулай осор. Тормошоғоҙҙа ҡапма-ҡаршылыҡлы ваҡиғалар булыуы бар. Һөйгәнегеҙ менән мөнәсәбәттәр яҡшырыр, тик ваҡсыл булмағыҙ. Балалары­ғыҙға иғтибар итегеҙ.

ҠЫҪАЛА

Шаршамбыға тиклем көсөр­гәнешле хәлдәр булыуы мөмкин, тик борсолмағыҙ, улар тиҙ арала яйға һалыныр. Ҡайһы берәүҙәр никахҡа инергә ҡарар итер. Аҙна аҙағында ҡунаҡ көтөгөҙ.

АРЫҪЛАН

Төп мәсьәлә яҡындарығыҙ хаҡында хәстәрлек күреүгә ҡоро­лор, моғайын. Ай аҙағында тыуған­­дарға эш, вазифа тураһында етди уйланырға ваҡыт. Иң уңышлы көнөгөҙ – дүшәмбе.

ҠЫҘ

3 – 12 сентябрҙә тыуғандар өсөн айырыуса һөҙөмтәле аҙна. Күптәр һеҙҙең менән аралашырға теләр, кәңәшегеҙгә ҡолаҡ һалыр. Яңы кеше менән осраҡлы ғына танышыу оҙайлы дуҫлыҡҡа әүерелеүе ихтимал.

ҮЛСӘҮ

Барыһы ла яҡшы булыр. Әммә шуны хәтерҙә тотоғоҙ: әле һеҙгә берәү ҙә ярҙам итмәҫ, үҙ көсөгөҙгә генә ышанырға тура килер. Борсол­мағыҙ, ҡулығыҙҙан килмәгән эш-ғәмәл булмаҫ.

САЯН

Белем алыу, камиллашыу өсөн ҡулай аҙна. Аҡсаға бәйле ҡыйын­лыҡ тыуыр, моғайын. Осор аҙағы бер аҙ көсөргәнешле күренә, имгәнеү хәүефе бар. Айырыуса электр менән һаҡ эш итегеҙ.

УҠСЫ

Һеҙҙе сағыу романтик осрашыу көтә. Яңы мөнәсәбәттәр өсөн ҡулай осор. Күптәнге мәсьәлә­ләрҙең бере­һе уңышлы хәл ителер. Аҙна аҙағында бер аҙ ял итеп алығыҙ, тиҙҙән эштә мөһим бурыс йөкмәтерҙәр.

ЫЛАҠ

Яңы дуҫтар табырһығыҙ. Тор­лаҡ шарттарын яҡшыртыу мөмкин­леге тыуыр. Һеҙ аҡсаны һаҡсыл, ә һөйгәнегеҙ, киреһенсә, мул тотоноуы арҡаһында әрләшеүегеҙ бар.

ҺЫУҒОЯР

Был арала башҡарылғанға баһа биреү, киләсәккә план ҡороу менән сикләнергә тырышығыҙ. Аралашыу даирәһе артыр. Хис-тойғоларығыҙ та­шып торған осор, шуға ла эске то­йом­лауға түгел, ситтәрҙең  кәңәшенә ҡолаҡ һалығыҙ.

БАЛЫҠ

Сәйәхәткә сығығыҙ, физик кү­некмә­ләр  яһағыҙ – күңелегеҙ күтәрелер. Күсемһеҙ милеккә бәйле мәсьәләләр уңышлы хәл ителә торған осор. Ижади һөнәр эйәләренең әүҙемлеге артыр.