Асҡында өмәләр гөрләп үтә!

Асҡын районының 2-се урта мәктәбе уҡытыусылары  эшләргә лә, байрамдар ойошторорға ла белә.Был юлы улар бөтә ауыл халҡы өсөн өлгө булырлыҡ  күңелле хеҙмәт байрамы –“Ҡаҙ өмәһе” ойошторҙо.  Ә ҡаҙҙарҙы йәй буйына тәрбиәләп һимерткән  йорт хужалары кемдәр һуң?

 Любида һәм Динар  Әхмәтдиновтарҙың уңған, булдыҡлы ғаиләһе ауылда маҡтаулылар рәтендә. Уларға ярҙамға йыйылған ҡатын-ҡыҙ бөтә халыҡ йолаларын теүәл үтәп, йырҙар йырлап ҡаҙҙарҙы йолҡоп,  һыу буйына барып сайҡатып ҡайтҡандан һуң  байрамды мул табын артында дауам итте, хужаларға именлек, байлыҡ-муллыҡ теләп хушлашты.  Ҡаҙ үҫтергән хужаларға ла, башҡорт халыҡ йолаларын тергеҙгән хеҙмәттәштәренә  лә “афарин!” тиергә генә ҡала.

Фото: “Аскинская новь” гәзите.