Бөтә яңылыҡтар
Матур үтһен ялығыҙ
2 Декабрь 2022, 17:37

ЙОНДОҘНАМӘ (5 – 11 декабрь)

9111.ru
Фото:9111.ru

ҠУҘЫ

Мөһим ваҡиғаларға бай аҙна. Уның тәүге яртыһында вәғәҙә бир­мәү, иңегеҙгә үтәй алмаҫлыҡ бурыс­тар алмау хәйерле. Шулай уҡ кеше һүҙенә лә ышанып бармағыҙ. Кесаҙнаға ҡарай аралашыуға ихтыяж артыр. Яңы таныштарығыҙ мөһим мәсьәләлә ярҙам итер.

 

БУҒА

Һөнәри эшмәкәрлеккә бәйле сәфәргә сығыуығыҙ бар. Осор башында аҡса мәсьәләһе төп иғтибар­ҙы яулар, көтмәгәндә нимәгәлер аҡса кәрәк булыр. Аҙна аҙағында яҡындарығыҙҙан ниндәйҙер яңылыҡ ишетерһегеҙ.

 

ИГЕҘӘКТӘР

Матди мәсьәләләр менән шөғөл­ләнерһегеҙ. Ғаиләлә әйбер һатып алыуға бәйле бәхәс тыуыуы ихтимал. Йомаға ҡарай көнкүреш-хужа­лыҡ мәшәҡәттәре артып китер.

 

ҠЫҪАЛА

Дүшәмбе, шишәмбе һаулығы­ғыҙҙы хәстәрләгеҙ. Ял көнөндә һөйгәнегеҙ менән планлаштырыл­ған осрашыуҙың булмауы ихтимал. Ғаиләле ҡыҫалаларға балаларына иғтибарҙы арттырырға кәңәш ителә.

 

АРЫҪЛАН

Социаль статусығыҙҙың һәм финанс хәлегеҙҙең яҡшырыуы күҙал­лана. Шул уҡ ваҡытта танышта­рығыҙ араһында көнсөлдәр юҡ түгел. Барыһы менән дә ихлас мөғәмәләлә булһағыҙ, берәү ҙә дәрәжәгеҙгә тап төшөрә алмаҫ.

 

ҠЫҘ

Яңы эш башламай тороғоҙ, төҫ-башығыҙҙы үҙгәртеү ғәмәлдәрен, шулай уҡ сәйәхәт итеүҙе лә кисектереп тороу хәйерле. Был аҙнаны һәүе­темсә генә үткәрегеҙ. Алда һеҙҙе ҙур үҙгәрештәр көтә. Осор һөйләшеүҙәр өсөн уңайлы.

 

ҮЛСӘҮ

Эшмәкәрлек өлкәһен алмаштырыу өсөн ҡулай мәл. Ижад менән шө­ғөлләнегеҙ. Эшлекле бәйләнеш­тәр табыш килтерер. Мөнәсәбәттәрҙә эске тойомлауға таянһағыҙ, барыһы ла ал да гөл булыр.

 

САЯН

Үтәй торған бурыстар исемлеге көтмәгәндә артып китер, ләкин улар­ға тотонорға ашыҡмағыҙ, ҡайһы бер мәсьәләләр үҙенән-үҙе хәл ителер. Иң яҡшыһы һөйгән йәрегеҙгә иғтибарҙы арттырығыҙ.

 

УҠСЫ

Хис-тойғоларҙың ташып торған мәле. Ошо арала ғүмерлек юлда­шы­ғыҙҙы осратыуығыҙ бар. Тик артыҡ ныҡ ныҡышмал булмағыҙ, әрһеҙлегегеҙ менән һөйгәнегеҙҙе ситкә этәреүегеҙ ихтимал.

 

ЫЛАҠ

Аҙна башында күләмле эшкә аҡса һалырға йәки ҡиммәтле әйбер һатып алырға тәҡдим итерҙәр. Һөй­лә­шеүҙәр уңышлы үтер, маҡсаты­ғыҙға өлгәшерһегеҙ. Шул уҡ ваҡытта аҙна урта­һында ҙур әйбер һатып алмағыҙ, үкенерһегеҙ.

 

ҺЫУҒОЯР

Шәхси бойондороҡһоҙлоҡ темаһы алғы планға сығыр. Яҡындарығыҙ ме­нән низағ сыҡмаһын тиһәгеҙ, шишәмбе күңел асыу кисәһенән баш тартығыҙ. Ял көндәрендә юлда тәртип боҙмаҫҡа тырышығыҙ.

 

БАЛЫҠ

Етәкселеккә еткергән тәҡдимегеҙ хуплау табыр. Яңы эш табыу өсөн ҡулай мәл. Йондоҙҙар өҫтөнлөклө маҡсаттарығыҙҙы аныҡ билдәләп, уларға өлгәшеү юлын эҙләргә кәңәш итә.

Читайте нас: