Бөтә яңылыҡтар
Матур үтһен ялығыҙ
16 Декабрь 2022, 16:50

ЙОНДОҘНАМӘ (19 – 25 декабрь)

 ҠУҘЫ

Аҙна башында аралашыуҙарҙа һаҡ булығыҙ, осраҡлы кешеләргә шәх­си тормошоғоҙ, киләсәккә планда­рығыҙ хаҡында һөйләмәгеҙ. Әйткән һүҙегеҙҙе үҙегеҙгә ҡаршы файҙаланыу­ҙары ихтимал. Кесе йома етәкселек яғынан хуп­лау ишетерһегеҙ. Ҡыҙыҡлы кеше менән таны­шыуығыҙ мөмкин.

 

БУҒА

Осор башында матди мәсьәләләр иғтибарығыҙҙы яулар. Хәлегеҙ аҙна уртаһында яҡшырыр, мул ғына аҡса килер. Әммә байрам тип, уны бушҡа сарыф итмәй тороғоҙ. Дуҫтарығыҙ ҡунаҡҡа саҡырыр, моғайын. Баш тартмағыҙ, ниндәйҙер яңылыҡ ишетерһегеҙ.

 

ИГЕҘӘКТӘР

Никахтағыларға телен тыйырға кәңәш ителә. Юғиһә, кәйефегеҙ оҙаҡ­ҡа боҙолор. Аҙна уртаһында күптән борсоған мәсьәлә үҙенән-үҙе хәл ителер. Бында яҡын дуҫығыҙҙың йоғонтоһо ҙур булыр. Табипҡа күренеү, косметик саралар өсөн ҡулай осор.

 

ҠЫҪАЛА

Осор башында тормошоғоҙҙа сикләүҙәр артҡандай тойорһоғоҙ. Сир­ләү хәүефе юғары. Ҡайһы бе­рәү­ҙәр башҡаларға биргән вәғәҙәһен үтәй алмай йонсор. Һынауҙарҙы кесе йомаға ҡарай еңеп сығырһығыҙ.

 

АРЫҪЛАН

Оҙайлы пландар тыуыуы ихтимал. Улар эш стилен дә, кимәлен дә үҙгәртер. Мул ғына килем алыр­лыҡ уртаҡ проектта ҡатнашырға тәҡ­дим итеүҙәре бар. Сит кешеләрҙең кәңәшен  тотмағыҙ, үҙаллы ҡарар ҡабул итегеҙ.

 

ҠЫҘ

Күптәнге мәсьәләләр әленән-әле үҙҙәрен һиҙҙерер. Хис тойғоға таянып, киҫкен ҡарарға килмәгеҙ, әүҙемлекте бер аҙ кәметеп тороғоҙ. Аҙнаның тәүге яртыһында эшлекле осрашыуҙарҙы кисектерергә кәңәш ителә. Ҙур ғына сығым булыр, моғайын.

 

ҮЛСӘҮ

Көс-ҡеүәтегеҙҙең артыуын тойор­һо­ғоҙ. Ижади һөнәр эйәләре өсөн киң мөмкинлектәр асылыр. Йүнселдәр уңыр. Гүзәл заттарҙы романтик осрашыу көтә. Күптәргә яңы аҡса сығанағы асылыр.

 

САЯН

Киләсәккә план ҡормай тороғоҙ, барыһы ла кинәт үҙгәреп китеүе бар. Аҙна башында матди мәсьәләләр иғтибарҙы йәлеп итер. Шаршамбынан һуң аҡса проблемаһы хәл ителер. Күптән хыялланған әйберҙе һатып алыу күңе­легеҙҙе күтәрер. Осор аҙағында сәйәхәткә саҡырыуҙары ихтимал.

 

УҠСЫ

Осрашыуҙарға бай аҙна. Күсем­һеҙ милеккә бәйле ғәмәлдәр уңышлы булыр. Йондоҙҙар ижади һөнәр эйәлә­ренә өҫтөнлөк бирер. Аҙнаның девизы – һөйөү, тыныслыҡ, гармония. Һөйгән йәрегеҙгә күберәк иғтибар бирергә тырышығыҙ.

 

ЫЛАҠ

Һаулығығыҙҙы хәстәрләгеҙ, һал­ҡын алдырыу хәүефе юғары. Осор аҙағында яҡын­дарығыҙҙан ҡыуа­ныслы хәбәр ишетерһегеҙ. Үҙен­сәлекле кеше менән танышыр­һығыҙ, моғайын. Артабанғы тормошо­ғоҙға уның йоғонтоһо ҙур булыр.

 

ҺЫУҒОЯР

Эшмәкәрлек өлкәһен алмаштырыу, яңы партнерҙар табыу, ғаилә мөнә­сәбәттәрен нығытыу өсөн ҡулай мәл. Һәләтегеҙҙе күрһәтергә мөм­кин­лек тыуыр. Коммерция тәҡдимдәрен үҙ мәнфә­ғәтегеҙҙә файҙаланып ҡалығыҙ.

 

БАЛЫҠ

Алдығыҙға ғәйәт ҙур маҡсат ҡуйып, хәлегеҙ булмаһа ла уға өлгәшергә тырышырһығыҙ. Көсөгөҙҙө дөрөҫ баһалағыҙ. Аҙна уртаһында юғарыраҡ вазифа тәҡдим итеүҙәре йәки эш хаҡын арттырыуҙары мөмкин.

Читайте нас: