Бөтә яңылыҡтар
Матур үтһен ялығыҙ
20 Ғинуар 2023, 22:27

ЙОНДОҘНАМӘ (23 – 29 ғинуар)

9111.ru
Фото:9111.ru

 ҠУҘЫ

Үткәндәргә кире ҡайтыу фәт­үәһеҙ, шуға күрә күптәнге ваҡи­ғалар менән ҡыҙыҡһыныуҙы, уларҙы анализлауҙы туҡтатығыҙ, был айырыуса һөйгән кешегеҙҙең тормошона ҡағыла. Эшегеҙҙә иһә яңы башланғыстар осоро.

 

БУҒА

Был көндәрҙә дуҫлыҡ-таныш­лыҡ һөҙөмтәһендә әллә ниндәй эштәрҙе хәл итергә мөмкин. Ваҡытты файҙаланып ҡалығыҙ, отолмаҫһығыҙ.

 

ИГЕҘӘКТӘР

Осор көтөлмәгән ваҡиғаларға бай булыр. Вазифала үрләүгә йәки эш хаҡын арттырыуға өмө­төгөҙ аҡланмаҫ, моғайын. Нин­дәйҙер ваҡиға арҡаһында планы­ғыҙҙың үҙгәреп китеүе ихтимал.

 

ҠЫҪАЛА

Юлда кем менәндер таны­шырһығыҙ. Эшегеҙҙә килешеү­ҙәргә ҡул ҡуйыу өсөн бик отошло осор. Күптәнге бәхәс һеҙҙең фай­ҙаға хәл ителер. Ләкин ҡул ҡаушырып ултырыр мәл түгел, тиҙҙән мөһим проблема ҡалҡып сығыр.

 

АРЫҪЛАН

Һөйгәнегеҙҙең яҡындары ме­нән осрашыуҙы кисектереп тороу хәйерле, сөнки әле кәйефегеҙҙең тотороҡһоҙ сағы. Уйламай һөйләү арҡаһында кемделер үпкәләтеүегеҙ ихтимал. Мөһим аҙымдарҙы аҙна аҙағына ҡалдырығыҙ.

 

ҠЫҘ

Үҙегеҙҙе яңы әйберҙәр, яҡын­дарығыҙҙы бүләктәр менән һө­йөндөрөгөҙ. Бөтәһе лә ҡулығыҙ­ҙан килер, хатта диңгеҙ кисерлек дәрт-дарман тойорһоғоҙ. Ниндәйҙер яңы шөғөлгә тотонорһоғоҙ, моғайын.

 

ҮЛСӘҮ

Йорттағы мәшәҡәттәр башҡа мәсьәләләрҙе артҡы планға кү­серер. Әммә күңел төшөнкө­лөгөнә бирелеп ултырыр мәл түгел, әүҙем булығыҙ. Ошо арала киләсәккә нигеҙ һалына, мәлде файҙаланып ҡалыу мөһим.

 

САЯН

Тормош һөйөү хистәрен һы­нар, бирешмәгеҙ. Хәл-ваҡиға­ларҙы ҡу­йырта күрмәгеҙ, тиҙҙән барыһы ла яйланыр. Һуңғы ваҡытта борсо­ған аҡсаға бәйле мәсьәләне еңел генә хәл итерһегеҙ.

 

УҠСЫ

Һөйгәнегеҙ менән мөнәсәбәттәр киҫкенләшһә, бер аҙға яңғыҙ ҡа­лыу яҡшыраҡ. Эшегеҙҙә етди үҙгәрештәр булыр һымаҡ. Яңы тәҡдимдәрҙән баш тартмағыҙ. Килә­сәккә ҙур офоҡтар асылыр.

 

ЫЛАҠ

Был аҙнала ҡайҙалыр сәйәхәт ҡылһағыҙ, юлығыҙ уңышлы булыр. Бәғзеләргә кемдер һөйөү хисен асыр. Аҙна аҙағына бер аҙ һалҡын алдырыу хәүефе бар, киҙеүҙән һаҡланығыҙ.

 

ҺЫУҒОЯР

Яҙмыштан уҙмыш юҡ, тиһәләр ҙә, бирешмәгеҙ, сабыр, тыныс бу­лығыҙ. Ваҡиғалар тиҙҙән көйләнер. Етәкселек менән һүҙ көрәштер­мәҫкә тырышығыҙ. Ғөмүмән, үҙегеҙҙе көсөргәнештән һаҡлағыҙ.

 

БАЛЫҠ

Хистәрегеҙ яңырыр, күңелегеҙ ҡай­ҙалыр ашҡыныр. Мөхәббәт өл­кәһендә сағыу ваҡиғалар көтө­гөҙ. Эшегеҙҙә ниндәйҙер яңы тәҡ­дим яһар­ҙар. Бер генә кәңәш: юлдарҙа һаҡ булығыҙ.

Читайте нас: