ЙОНДОҘНАМӘ (6 – 12 март)

ҠУҘЫ

Шәхси хәл-ваҡиғалар һөнәри үҫешегеҙгә ҡамасаулай. Уңы­шығыҙға кемдер аяҡ сала кеүек, шуға бер аҙ көтөгөҙ һәм артыҡ борсолмағыҙ — ауырлыҡтар ваҡытлыса.

БУҒА

Һаҡ булығыҙ, киң күңелле булыуығыҙҙан файҙаланыуҙары ихтимал. Ҡаршылыҡтарға осра­һағыҙ ҙа, һалҡын ҡанлы булып ҡалырға тырышығыҙ.

ИГЕҘӘКТӘР

Ғаиләгеҙҙе лә, хеҙмәттәштә­регеҙҙе лә һәр йәһәттән кон­тролдә тоторға маташырһығыҙ, ләкин бының менән артыҡ мауыҡ­мағыҙ. Күп эшләргә тура килер, һөҙөмтәһен һуңғараҡ күрерһегеҙ.

ҠЫҪАЛА

Был аҙнала үҙегеҙгә оҡшаған кешеләр менән генә арала­шығыҙ. Нисек теләйһегеҙ, шулай йәшәгеҙ. Ишеткән хәбәрҙәргә ышанырға ашыҡмағыҙ, уларҙы еткергән кешеләрҙән алыҫыраҡ тороғоҙ.

АРЫҪЛАН

Эшегеҙҙе эш урынында баш­ҡарығыҙ, өйгә алып ҡайтмағыҙ. Аҙна башында ишеткән яңылыҡ тормошоғоҙҙо яҡшы яҡҡа үҙгәртер.

ҠЫҘ

Алыҫ юл төшөүе ихтимал. Эшлекле командировкаға сы­ғырһығыҙ йәки конференцияла ҡатнашырһығыҙ. Ошо арала барлыҡҡа килгән бәйләнештәр ныҡлы һәм оҙайлы булыр.

ҮЛСӘҮ

Эштә һүҙегеҙгә ҡолаҡ һала­лар, тыңлайҙар. Күңелегеҙ көр һымаҡ. Ләкин был дауыл алдынан булған һиллек кенә, әҙер булығыҙ.

САЯН

Өҫтәмә аҡса эшләргә тәҡдим итерҙәр, баш тарта күрмәгеҙ! Эштә хеҙмәттәштәрегеҙ ара­һындағы конкурентлыҡ һеҙгә яҡшы тәьҫир итер, әүҙемләшерһегеҙ, һөҙөм­тәлелек артыр.

УҠСЫ

Быға тиклем атҡарған эше­геҙҙең уңышын йыйыр мәл етте. Ҡуйған маҡсатығыҙҙы икелән­мәйенсә тормошҡа ашырығыҙ. Аҙна аҙағында мөһим яңылыҡ килер.

ЫЛАҠ

Күптән күңелегеҙҙә йөрөткән хыялдарығыҙҙы тормошҡа ашыра башлағыҙ. Һеҙгә уңыш йылмая, файҙаланып ҡалығыҙ. Иң ҡыйыу ниәттәрҙең дә ысынбарлыҡҡа әйләнеүе ихтимал.

ҺЫУҒОЯР

Сәйәси амбицияларҙы һәм финанс тотороҡлолоғона ынтылыуҙы ҡалдырып тороғоҙ. Кешеләрҙе үҙ мәнфәғәтегеҙҙә файҙаланмағыҙ.

БАЛЫҠ

Хеҙмәттәштәрегеҙ менән дуҫ­тарығыҙҙың ярҙамынан баш тарт­мағыҙ. Һәр эште еренә еткереп, иң мөһиме ваҡытында башҡа­рығыҙ. Сабырлыҡ һәм түҙемлек беренсе урында булһын.