ЙОНДОҘНАМӘ (8 – 14 май)

 ҠУҘЫ

Тормоштоң мәғәнәһе тураһында йыш уйлана башларһығыҙ. Был төп эшегеҙгә ҡамасаулар. Фәлсәфәгә ныҡ­лы бирелмәйенсә, үҙ бурыста­рығыҙҙы теүәл үтәргә тырышығыҙ. Яҡын кеше­ләрегеҙҙең дә һеҙҙең насар кәйефегеҙҙән арыуы ихтимал.

БУҒА

Был аҙна мөхәббәт тойғоһон белдереү, бығаса ҡыйыулыҡ етмә­гән мәсьәләләрҙе хәл итеү өсөн уңайлы. Барлыҡ ихтыяр көсөн туплап, маҡсатығыҙға ҡарай йүнәлегеҙ. Һеҙҙе туҡтатырға тырышҡандарға иғтибар итмәгеҙ.

ИГЕҘӘКТӘР

Һәр эшкә ижади ҡарарға ты­рышығыҙ. Матди хәлегеҙҙе яҡ­шыртырға уйлайһығыҙ икән, авантюраға бармау хәйерле, юғиһә ниәтегеҙҙең кире һөҙөмтә биреүе ихтимал.

ҠЫҪАЛА

Һеҙҙең күңелде шикләнеү, кө­сөгөҙгә ышанмау кеүек тойғолар биләп алыр. Бының менән үҙегеҙҙе лә, янығыҙҙағы кешеләрҙе лә ыҙа­латып бөтөрһөгөҙ. Көсөгөҙгә ышанмай­һығыҙ икән, ниндәйҙер эшкә тотонмай тороуығыҙ хәйерле.

АРЫҪЛАН

Эш менән ғаиләне бергә бутамау хәйерле. Яҡын кешегеҙ менән ара­ғыҙҙа килеп тыуған аңлашыл­мау­санлыҡтың төп сәбәбе – һеҙҙең саманан тыш ваҡсыллыҡ күрһәте­үегеҙ. Йылы мөнәсәбәттәрҙе һаҡлау маҡсатында ғәфү үтенеү ыңғай һөҙөмтә бирер.

ҠЫҘ

Үҙ һүҙегеҙҙе бирмәү, саманан тыш тәкәбберлек бихисап кү­ңел­һеҙлек килтерер. Тәнҡитте дөрөҫ ҡабул итеү күп проблеманы яйға һалырға ярҙам итәсәк. Йәрегеҙгә буш-юҡтан дәғүә белдермәгеҙ, уны өйрәтергә тырышмағыҙ.

ҮЛСӘҮ

Был аҙнала тормошоғоҙҙа бары­һын да үҙгәртергә тырышырһығыҙ. Һөҙөмтәлә тиҙҙән көтөлгән яҡшы ваҡиғаның юлын ябыуығыҙ ихтимал. Дыуамал ҡарарҙарҙан һаҡ булыуығыҙ һорала.

САЯН

Көсөгөҙгә ышанысығыҙ бөтөп, үҙаллы фекер йөрөтөргә теләге­геҙҙең юғалыуы ихтимал. Был күңел көсөргәнеше тыуҙырыр. Һөнәри эштә төшөнкөлөккә бирелмәгеҙ, ваҡ мәшә­ҡәттәр һеҙҙе һындырырға тейеш түгел.

УҠСЫ

Башҡаларҙың етешһеҙлегенән көлмәгеҙ, холоҡ-фиғелен тикшер­мәгеҙ, ғәмәлдәрен инҡар итмәгеҙ. Ғәҙелһеҙлек күренештәренә шаһит булған хәлдә лә, тыныслыҡ һаҡларға тырышыу мөһим. Һөйгән кешегеҙҙең теләктәрен үтәү хистәрҙе көсәйтеп ебәрер.

ЫЛАҠ

Үҙ көсөңә ышанмау осоро артта ҡалды. Эшкә яңы дәрт менән тотоноу зарур. Ижади фекерләүегеҙ, мәсьә­ләне хәл итеүҙең төрлө ысулдарын билдәләүегеҙ лайыҡлы баһа­ланыр. Тойғоларҙы бутамағыҙ. Мөхәббәт тип уйлағаны­ғыҙҙың ғашиҡлыҡ ҡына булыуы ихтимал.

ҺЫУҒОЯР

Һеҙҙең хәҙерге маҡсат – лидер булыу, алдан барыу. Шул уҡ ва­ҡыт­та авантюраға барыу кәңәш ителмәй. Барыһын да планлашты­рырға һәм үлсәп башҡарырға кәрәк. Шул саҡта ғына уңыш ҡаҙанырһығыҙ.

БАЛЫҠ

Үҙегеҙҙе күрһәтергә тырыш­ма­ғыҙ – абруйығыҙҙы һаҡлағыҙ. Хата­ланыуҙан ҡурҡмағыҙ. Әгәр ниҙер килеп сыҡмай икән, һығымта яһап, эшкә яңынан тотоноғоҙ. Һөнәри оҫталығығыҙ лайыҡлы баһаланыр.