ЙОНДОҘНАМӘ (7 – 13 август)

 ҠУҘЫ

Был арала мөһим эш башла­маҫҡа кәңәш ителә, аҙағына етә алмаҫһығыҙ. Ҙур тырышлыҡ талап итмәгән ғәҙәти мәшәҡәттәр менән шөғөлләнегеҙ. Бер аҙ ял итһәгеҙ ҙә насар булмаҫ.

БУҒА

Шәхси йәһәттән уңышлы аҙна. Ғаиләлеләрҙең мөнәсәбәттәре нығыныр, яңғыҙҙар пар табыр. Финанс мәсьәләһендә иғтибарлы булығыҙ. Кәйеф-сафаға сығымды кәметегеҙ.

ИГЕҘӘКТӘР

Аҡса эшләү өсөн уңайлы аҙна. Шулай ҙа ылыҡтырғыс тәҡдим­дәрҙән баш тартыуығыҙ хәйерле. Ентекле өйрәнелгән эш-ғәмәлдәрҙә генә уңыш көтөлә. Ҡайһы саҡта ныҡышма­лылыҡ та талап ителер, моғайын.

ҠЫҪАЛА

Көс туплағыҙ – был аҙнала һеҙҙе бик күп эшлекле осрашыуҙар көтә. Улар һөнәри үҫешегеҙгә ыңғай йоғонто яһар. Үҙегеҙгә һәм башҡа­ларға ҡарата талапсан булығыҙ, һәр йәһәттән ҡәтғилек күрһәтегеҙ, фекерегеҙҙе яҡлағыҙ.

АРЫҪЛАН

Яҡындарығыҙ ғәҙәти йәшәү рәүешен үҙгәртергә мәжбүр итер, моғайын. Рулдә, электр прибор­ҙарын ҡулланғанда иғтибарлы булығыҙ – уйланылмаған эш-ғәмәлдәрегеҙҙең бүтәндәргә зыян килтереүе ихтимал.

ҠЫҘ

Был арала хис-тойғолар өҫтөн­лөк итер, һөйөү утында яныр­һы­ғыҙ, моғайын. Шулай ҙа башы­ғыҙҙы юғалтмағыҙ, алда һеҙҙе ҙур һәм мөһим эш көтә.

ҮЛСӘҮ

Ҡеүәтегеҙ ташып тора, кәйе­фегеҙ ҙә, сәләмәтлегегеҙ ҙә шәп. Шулай ҙа һүҙегеҙҙе үлсәп һөйләгеҙ, ғәмәлдәрегеҙҙе уйлап башҡарығыҙ. Ғөмүмән, һәр йәһәттән алдан уҡ план төҙөп ҡуйырға кәңәш ителә.

САЯН

Был аҙнала иғтибарығыҙҙы аҡса һәм мөхәббәт мәсьәләләре йәлеп итер, моғайын. Тап ошо өлкәләрҙә уңыш көтә, тик ике шартты үтәргә тура килер: сығымдарҙы сикләгеҙ һәм яҡындарығыҙҙы тәнҡитләмәгеҙ, уларҙың холҡон үҙгәртергә тырышмағыҙ.

УҠСЫ

Һаулығығыҙға иғтибар итегеҙ. Сирләй башлаһағыҙ, кисекмәҫтән сара күрегеҙ. Йорт мәшәҡәттәрен яҡындарығыҙ менән уртаҡлашығыҙ, эштә лә талсығыуҙан һаҡланығыҙ, юғиһә сәләмәтлегегеҙ ҡаҡшар.

ЫЛАҠ

Әүҙем эшмәкәрлекте туҡтатып торорға, аралашыуҙарҙы мөмкин тиклем сикләргә, һүҙгә килмәҫкә кәңәш ителә. Хеҙмәттәштәрегеҙгә ҡарата талапты ла бер аҙ кәметеү зыян итмәҫ.

ҺЫУҒОЯР

Эштәге проблемаларҙан ситләшә, шәхси мөнәсәбәттәрҙә шымып ҡала алмаҫһығыҙ. Нисек кенә булмаһын, фекерегеҙҙе ныҡлы яҡлағыҙ, үҙ мәнфәғәтегеҙҙе алға ҡуйығыҙ.

БАЛЫҠ

Бәхәс-низағтарҙан һаҡланығыҙ. Аҡланыу йәки ҡаршы сығыу һөҙөмтә бирмәҫ. Тиҙҙән барыһы ла асыҡланыр, ғәҙеллек тантана итер. Башҡа яҡтан аҙна уңышлы көтөлә.