Ошондай һауа торошона әҙерме һеҙ?

Башгидрометүҙәктә хәбәр итеүҙәренсә, ноябрҙең тәүге яртыһында субтропик һауа массаһы өҫтөнлөк итеү сәбәпле йылы торҙо. Уртаса температура норманан 4-7 градусҡа юғары булды.

Ә ял көндәрендә, синоптиктар фаразынса, республикала һиҙелерлек һалҡынайта. Ел төньяҡтан, һауа температураһы төндә -5, -10 градусҡаса төшә, аяҙайтҡанда -15 градус һалҡын, көндөҙ -2, -7 градус.

18 ноябрҙә урыны менән ҡар яуыуы көтөлә, 19 ноябрҙә аяҙ. Әҙ күләмдәге яуым-төшөм республиканың айырым райондарында ғына.

Синоптиктарҙың алдан фаразлауы буйынса, Башҡортостанда 21-22 ноябрҙә ҡар яуыуы көтөлә.

Юлдарҙа томан төшөү, боҙлауыҡ ҡаплау ихтималлығы тураһында иҫкәртә Ғәҙәттән тыш хәлдәр министрлығы. Һаҡ булығыҙ!

Автор фотоһы.