Алдағы көндәргә һауа торошо менән танышығыҙ

Икенсе аҙнала һауа температураһы тағы түбән төшә. Был турала Гисметео хәбәр итә.

15 апрелдә болотло, яуым-төшөмһөҙ, төндә -2 градусҡаса туңдыра, көндөҙ +12 градусҡа тиклем йылыта. Ел көсәйеүсән, секундына 10 метр тиҙлеккә етеүе ихтимал.

16 апрелдә ямғыр яуыуы күҙаллана. Төндә +7, көндөҙ +13 градус. Ел секундына 14 метр тиҙлеккә тиклем етә.

17, 18 апрелдә ямғырлы көндәр күрһәтә. Төндә +5...+6, көндөҙ +12...+13 градусҡаса йылыта.

19 апрелдә тағы һыуыта, ямғырлы. Төндә +1 градус, көндөҙ +6 тирәһе генә. Көслө ел сыға.

Ял көндәрендә яуым-төшөм көтөлмәй. 20 апрелдә төндә +2 градус, көндөҙ +14 градусҡа етә. 21 апрелдә төндә +12, ә көндөҙ йылы - +24 вәғәҙәләйҙәр.

Л. Үтәғолова фотоһы.