Бер-ике көндә Башҡортостанда эҫе һауа торошо күҙәтелә. Синоптиктар хәбәр итеүенсә, ҡайһы бер урындарҙа күк күкрәүе, киҫкен ҡыуан ел иҫеүе көтөлә.
Бөгөнгө һауа температураһы климатик нормаға ҡарағанда 7-12 градусҡа юғарыраҡ. Төндә лә йылы - +11...+16 градус булды, таулы райондарҙа +6 градусҡаса. Көндөҙ +23...+28 градус күрһәтә. Киҫкен ел иҫә.Төньяҡ-көнбайыш райондарҙа йәшен йәшнәүе лә өҫтәлә. Алдағы өс көнгә лә шундай эҫе көндәр күҙаллана.
Ә шул ваҡытта илебеҙҙең төньяғында – Санкт-Петербургта ҡар яуып һалған, ихаталарҙа машиналар көрткә сумып ултыра.
А. Ишморатова, З. Ғиззәтуллина фотолары.