+20 °С
Болотло
Матур үтһен ялығыҙ
4 Май 2024, 02:00
Тағы туңдыра...
Көн яманы үтәр, иң мөһиме - күңелдәр ҡатмаһын, ҡайғы ишек ҡаҡмаһын. Хәйерле иртә, дуҫтар! Һәр атҡан таңды ҡыуанып ҡаршы алайыҡ, ялдарыбыҙҙы файҙалы һәм йөкмәткеле үткәрәйек, иҫән-һау булайыҡ. Донъялар тынысланып китһен. Түбәндә - ял көндәренә һауа торошо.
Тағы туңдыра...
Ял көндәре республикала һыуыҡ була, ҡырау төшә, тип хәбәр итә Башгидрометүҙәк. Ямғыр, ҡар ҡатыш ямғыр, ҡар яуыуы көтөлә. Ҡайһы бер райондарҙа һауа температураһы төндә - 6 градусҡаса төшә.
Бөгөн, 4 май, ҡар, ҡарлы ямғыр яуып үтә. Ел төньяҡтан, урыны менән киҫкен һәм бик көслө. Төндә һауа температураһы 0....+5 градус, ҡайһы бер урындарҙа -5 градусҡаса туңдыра, ҡырау төшә. Көндөҙ +3...+8 градусҡа тиклем йылыта.
Иртәгә, 5 май, шундай уҡ һауа торошо һаҡлана. Ҡайһы бер райондарҙа ямғыр һәм ҡар ҡатыш ямғыр яуыуы көтөлә. Ел төньяҡ-көнбайыштан, көнбайыштан талғын. Төндә -1....-6 градусҡаса туңдыра, көндөҙ +5....+10 градусҡаса күтәрелә.
В. Рәхмәтова фотоһы.
