Һә, тигәнсә әҙерләнгән еңел генә турама

Йәйге эҫелә аш бүлмәһендә оҙон-оҙаҡ бешеренеп йөрөү еңел дә түгел. Шуға күрә тиҙ генә әҙерләнә торған турама тәҡдим итәбеҙ.

Бының өсөн:

• Ҡыяр;
• Ҡыҙыл башлы һуған;
• Концерваланған кукуруз;
• Майонез йә ҡаймаҡ;
• Тәменсә тоҙ;
• Укроп һәм башҡа үҙегеҙ яратҡан йәшелсә үләндәрен алырға мөмкин.

Әҙерләү ҙә бик еңел:

Ҡыярҙы, ҡыҙыл һуғанды әрсеп турайбыҙ., кукуруз, тоҙ, ҡаймаҡ ҡушып болғатабыҙ. Һә, тигәнсә еңел һәм тәмле турама әҙер ҙә була. Аштарығыҙ тәмле булһын!

Автор фотоһы.