Ялды файҙалы үткәрәйек

Бөгөн көн аяҙ, һауа температураһы кисәге кеүек үк  +33 градусҡаса эҫетә. Ҡояштың көн үҙәгендәге ҡыҙыу нурҙарынан һаҡланығыҙ.  Ә икенсе аҙнала үҙгәреүсән һауа торошо көтөлә, ә атап әйткәндә түбәндәгесә:

Башҡортостанда 17 июнь яуым-төшөмһөҙ була, тип фаразлай синоптиктар. Төндә +18...+21 градус, көндөҙ +28 градусҡаса эҫетә. Ел төньяҡтан, төньяҡ-көнсығыштан талғын.

18 июнь урыны менән ямғыр яуа. Төндә +21...+23, көндөҙ - +30 градус эҫе.

19 июнь аяҙлы-болотло, ваҡыты-ваҡыты менән ямғырлы. Ел көньяҡтан, көньяҡ-көнбайыштан талғын.

20 июнь шулай уҡ урыны менән ямғыр яуа. Һауа температураһы бер аҙ төшә: төндә +18...+21 градус, көндөҙ +27 күрһәтә.

21 июндә аяҙлы-болотло, ямғыр яуыуы ихтимал. Төндә +18, көндөҙ +24 градус вәғәҙәләй синоптиктар.

Киләһе ял көндәре ямғырлы була, ти белгестәр. Һауа температураһы төндә +18 градус тирәһе, көндөҙ - +22 градус. Ел көнбайыштан, төньяҡ-көнбайыштан талғын.

Ялдарығыҙ матур, файҙалы үтһен!

Ә. Ишморатова фотоһы.