Эшләпә... башты эшләтә!

Йәй хакимлекте тулыһынса  үҙ ҡулына алды. Магинск ауылының күп функциялы комплексында ла ҡыҙыу осор. Айырыуса балаларҙың ялын ҡыҙыҡлы, мауыҡтырғыс итеп үткәреү өсөн нимә генә уйлап тапмайҙар!

 Ялды ойоштороусыларҙың идеялары диңгеҙ быуырлыҡ, шуларҙың береһе – йәйге эшләпәләр фестивале  кескәйҙәрҙең күңеленә хуш килде. Тәү ҡарамаҡҡа ябай ғына тойолған сара ижад, фантазия  байрамына әүерелде. Балалар үҙҙәре тыуҙырған образдар өҫтөндә ҡыҙыҡһынып эшләне, исемдәр уйлап тапты. Һәр модель үҙенсәлекле, бер-береһен ҡабатлаған панамалар, эшләпәләр юҡ. Кескәйҙәр, ысынлап та, үҙ образдарын сағыуыраҡ итеү өсөн баштарын эшләтте, фантазияларын эшкә ҡушты, матурлыҡ тыуҙырырға өйрәнде.

Фото: https://karaidel.site/news/novosti/2024-06-19/v-smfk-s-maginsk-karaidelskogo-rayona-proshel-festival-originalnyh-shlyapok-i-panamok-3815085?utm_source=vk&utm_medium=social&utm_campaign=72396135