Киләһе аҙнала ниндәй һауа торошо көтә?

Синоптиктар фаразлауынса, Башҡортостанда дүшәмбе, 15 июль, йәшенле ямғыр яуа. Төндә һауа температураһы +17...+20 градус, көндөҙ +26 градусҡаса етә. Ел төньяҡ-көнсығыштан талғын.

Шишәмбе, 16 июль, шундай уҡ һауа торошо һаҡлана.

Шаршамбы, 17 июль, аяҙлы-болотло, яуым-төшөмһөҙ һауа торошо күҙаллана. Төндә +21, көндөҙ +26 градусҡа тиклем эҫетә. Ел көнсығыштан талғын.

Кесаҙна, 18 июль, тағы ямғыр көтөлә.Тәүлек әйләнәһенә һауа температураһы +17-нән +25 градус тирәһендә тирбәлә.Ел көнсығыштан талғын.

Йома, 19 июль, республика буйынса бер аҙ ямғырҙар яуып үтә. Төндә +17...+20, көндөҙ +26 градус.

Киләһе ялдарҙа – шәмбе һәм йәкшәмбе (20-21 июль) - тағы ямғыр вәғәҙәләй синоптиктар. Төндә +16...+20 градус, көндөҙ +26 градус йылы. Ел төньяҡ-көнбайыштан, көнбайыштан талғын.

Ләйсән Үтәғолова фотоһы.