Оҫта ҡулдар нимә генә эшләмәй!..

Оҫта ҡулдар һәм фантазия ярҙамында ниҙәр генә эшләргә, халыҡты нисек кенә таң ҡалдырырға мөмкин түгел? Бүздәк районында үткән коляскалар парады - тап шуға асыҡ миҫал.

Ата-әсәләр һәм балалар сабыйҙар транспортын ниндәй генә образдарға әүерелдермәгән – бында Ҡыҙыл башлыҡ һәм  трактор ҙа, такси һәм кер йыуыу машинаһы ла, умарта  һәм техно-коляска ла бар. Илһөйәрлек темаһы ла ситтә ҡалмаған, аҡбуҙатҡа ултырып, принцесса ла килгән.

Подиумға беренсе булып, “Кескәй “әсәйҙәр” коляскаһы” номинацияһында ҡатнашыусы ҡыҙҙар сыҡты. Аҙаҡ “Йәнле донъя”, “Үҙебеҙҙекеләрҙе ташламайбыҙ!”, “Техно-коляска” номинацияларында ҡатнашыусылар парадты дауам итте. “Әкиәт-коляска” менән сығыш яһаған Азалия Әхмәтшина шунда уҡ тамашасыларҙың иғтибарын яуланы. “Үҙенсәлекле жанр коляскаһы”, “Гәрәевтәр умарталығы” номинацияларында сығыш яһаған ҡыҙҙарҙың ижади эштәре ҙур ҡыҙыҡһыныу тыуҙырҙы.

Мауыҡтырғыс байрамда ҡатнашыусыларҙың береһе лә бүләкһеҙ, дипломһыҙ ҡалманы, тип яҙа “Буздякские новости”.

 Фото:https://buzdyaknews.ru/news/konkursy/2024-07-10/tehno-kolyaska-paseka-i-siniy-traktor-38434   87?utm_source=vk&utm_m edium=social&utm_campaign=175536108