Яңы йыл байрамында ниндәй байрам саралары үткәрелә?

20 декабрҙән 20 ғинуарға тиклем Ишембай районында Ҡыш бабай резиденцияһында Торатау шиханы янында байрам саралары үтә. Ул өлкәндәр һәм балалар өсөн тәғәйенләнгән. Ҡыш бабай тирмәһендә ҡунаҡтарҙы хужа үҙе ҡотлаясаҡ, һуңынан саналарҙа, ҡаргиҙәрҙә, банандарҙа йәки аттарҙа йөрөргә мөмкин буласаҡ.

26 декабрҙән 12 ғинуарға тиклем Өфөнөң Ленин исемендәге майҙанында Ҡыш бабайҙың резиденцияһы эшләй. Уны асыу көнөндә ҡаланың үҙәк шыршыһында ут тоҡандырыу тантанаһы үтәсәк. Бынан тыш, Өфө Ҡыш бабайы Яңы йылды ҡаршыларға һәм байрам программаһында ҡатнашырға теләүселәрҙе саҡыра.

27 декабрҙән 13 ғинуарға тиклем Стәрлетамаҡта Комсомол урамы, 43 адресы буйынса урынлашҡан сауҙагәр Патрикеев йортонда музей-оҫтаханаларҙың Яңы йыл фестивале үтәсәк. Бында экскурсиялар һәм оҫталыҡ дәрестәре менән биш экспозиция асыу планлаштырылған. Ҡыҙыҡлы ғына түгел, бик тәмле лә буласаҡ: һөнәрселек шоколадының музей-оҫтаханаһы һәм әсетеп бешерелгән икмәк продукцияһын өйрәнеү буйынса практик дәрестәр үткәрелә.

30 декабрҙән 8 ғинуарға тиклем Салауат районындағы «Янғантау» геопаркы ҡунаҡтарға ҡыҙыҡлы экскурсиялар, контактлы зоопарк, өс ат егелгән санала шыуыу, паракордтан беләҙек үреү буйынса оҫталыҡ дәрестәре тәҡдим итә.

31 декабрҙән 1 ғинуарға тиклем Өфөнөң Совет майҙанында «Терра ҡыш» фестивале ойошторола. Программала артистарҙың сығышы, милли ҡышҡы күңел асыуҙар, гастрозоналар, конкурстар, шул иҫәптән карнавал костюмдары һәм төрлө уйындар ҡаралған.

1 ғинуарҙа Өфөлә «Ҡашҡаҙанда вәғәҙәләр ярышы» үтәсәк. Уға скандинав йөрөшө фестивале лә өҫтәлә.

11 ғинуарҙа Бөрө үҙенең «Бөрө билмәндәре» гастрономия фестивалендә тәмле ашарға яратыусыларҙы көтә. Ойоштороусылар тамашалар ҙа әҙерләгән: концерт, презентациялар, халыҡ үҙешмәкәр коллективтарының сығышы, саҡырылған һәм урындағы артистар һәм башҡалар. Бынан тыш, республиканың бөтә райондары һәм ҡалалары тиерлек үҙҙәренең байрам тамашаларын һәм Яңы йыл сараларын әҙерләгән. Шулай уҡ ҡунаҡтарҙы глэмпингтар, ял базалары һәм турист комплекстары күңел асыу программалары менән ҡыуандырасаҡ.

Фото: БР Эшҡыуарлыҡ һәм туризм министрлығының матбуғат хеҙмәте.

Мәғлүмәт: https://resbash.ru/news/obshchestvo/2024-12-20/kalendar-novogodnih-sobytiy-v-bashkirii-4061930