Гөлнур Мостафинанан тәмле бәлеш

Аш-һыу оҫтаһы Гөлнур Мостафина ҡамыры кетерләп кенә торған тәмле бәлеш рецебы тәҡдим итә.

Ҡамыр өсөн: 180 грамм ҡаймаҡ, ярты балғалаҡ сода, бер йомортҡа, 100 грамм аҡ май, самалап тоҙ һәм 400 грамм самаһы он алына.

Эслек: 400 грамм тауыҡ ите, 300 грамм картуф, өс баш һуған, самалап тоҙ, борос.

Эш барышы

Барлыҡ ингредиенттарҙы бергә ҡушып, йомшаҡ итеп ҡамыр баҫабыҙ ҙа 15-20 минутҡа ял иттерергә ҡуйып торабыҙ.

Ул арала эслек яһайбыҙ: картуфты, тауыҡ итен турап, тоҙ, борос ҡушабыҙ. Ҡамырҙы тигеҙ киҫәктәргә бүлеп, ваҡ бәлеш рәүешендә йәки үҙегеҙгә оҡшаған формала бәлештәр яһайбыҙ. 180 градус эҫелектәге мейестә 40-45 минут самаһы бешерәбеҙ.

Сығанаҡ һәм фото: “Бәйләнештә” селтәрендәге “Тәтеш таңнары”ннан мең дә бер... ХӘБӘР” төркөмө