Ямғырҙар ҡасанға тиклем?

Тағы ҡасан һыу инербеҙ?

Синоптиктарҙың фаразынса, киләһе аҙнаның тәүге көндәре ямғырлы була.  

“Яндекс. Погода” мәғлүмәттәре буйынса, тәүге көндәрҙә ямғыр, ҡалған яғына аяҙ күрһәтә.

Дүшәмбе, 28 июль, төндә һауа температураһы +12, көндөҙ +18 градусҡаса етә. Тәүлек әйләнәһенә яуым-төшөмлө. Ел төньяҡтан, талғын.

Шишәмбе, 29 июль,  көндөң тәүге яртыһында ямғыр яуа. Төндә +14 градус, көндөҙ +22 градус. Ел төньяҡ- көнсығыштан.  

Шаршамбы, 30 июль, иртәнге яҡта ямғыр яуыуы ихтимал. Ел төньяҡ-көнсығыштан. Һауа температураһы төндә  +16, көндөҙ +24 градус.

Кесаҙна, 31 июль, яуым-төшөмһөҙ, болотло көн көтә. Һауа температураһы төндә +15, көндөҙ +22 градус. Ел төньяҡ-көнсығыштан, талғын.

Йома, 1 август, ниһайәт, ҡояшлы көн фаразлайҙар. Төндә +15...+19, көндөҙ +22 градус. Ел төньяҡ- көнсығыштан.

Икенсе ялдарҙа республикала яуым-төшөмһөҙ, йылыраҡ көндәр килә. Шәмбе, 2 август, йәкшәмбе, 3 август, төндә +18...+20 градус, көндөҙ +29 градусҡаса эҫетә. Төньяҡтан, көнсығыштан һиҙелер-һиҙелмәҫ ел иҫә.