Һауа торошо кинәт үҙгәрә

Иртәгә, 27 май, һауа торошоноң кинәт үҙгәреүе көтөлә. Был һалҡын төньяҡ циклон атмосфера фронты үтеп инеүе менән бәйле.

Төбәктең гидрометеорология һәм тирә-яҡ мөхитте мониторинглау буйынса идаралығы мәғлүмәтенә ярашлы, иртәгә һауа температураһы +18...+23 градусҡа тиклем түбәнәйә, тик төньяҡ-көнсығыш тарафта ғына +28 градус һаҡлана.

Күп райондарҙа ямғыр яуа, урыны менән күк күкрәй, ел көсәйеүсән, секундына 15-20 метр тиҙлеккә етеүе бар, борсаҡ та яуыуы ихтимал.

Артабан республикала һауа температураһы норманан түбәнерәк ҡала. Ваҡыты-ваҡыты менән ямғыр яуып ала.

Гөлгөнә Мозафарова фотоһы.