0 °С
Ясна
Бөтә яңылыҡтар
Милли проекттар
19 Май 2020, 15:45
"Хәтер баҡсаһы" ултырттылар
Иглин районы фронтҡа 15 мең 500-ҙән ашыу һалдат, ете Советтар Союзы Геройын биргән.
“Хәтер баҡсаһы” халыҡ-ара акцияһы сиктәрендә Иглин районы урмансылары туғыҙ меңдән ашыу ағас ултыртҡан.
– Иглин районынан Бөйөк Ватан һуғышына 15 мең 500-ҙән ашыу кеше киткән, уларҙың тик яртыһы ғына тыуған еренә иҫән ҡайтҡан. Иглин ере ете Советтар Союзы Геройын биргән. Данлы батырҙарыбыҙ иҫтәлегенә туғыҙ меңдән ашыу ағас ултырттыҡ, шул иҫәптән Иглин участка урмансылығында 1,3 гектар майҙанда – 5200, Пушкин участка урмансылығында бер гектар майҙанда – дүрт мең үҫенте, – ти Иглин урман хужалығы директоры Юламан Кейекбирҙин.
Башҡортостан Урман хужалығы министрлығы Бөйөк Еңеүҙең 75 йыллығына арнап иғлан иткән “Башҡортостан урмансылары – һуғыш батырҙары иҫтәлегенә” төбәк проекты “Экология” милли проекты сиктәрендә тормошҡа ашырыла. Тематик ағас ултыртыу барышында аныҡ районда ошо ерҙән сыҡҡан Советтар Союзы Геройының исеме яҙылған баннерҙар ҡуйыла. Әле республика урмансылары был төбәк проектын бойомға ашырып, 310 гектар майҙанда 1,2 миллион ағас үҫентеһе ултыртҡан һәм 140 баннер урынлаштырған.
Хәтерегеҙгә төшөрәбеҙ, Рәсәй Президенты Владимир Путиндың "Рәсәй Федерацияһында Хәтер һәм дан йылын үткәреү тураһында"ғы указына ярашлы, мартта “Хәтер баҡсаһы” халыҡ-ара акцияһы старт алды. Уның маҡсаты – Бѳйѳк Ватан һуғышы йылдарында һәләк булған 27 миллион ватандашыбыҙ хѳрмәтенә илдә 27 миллион тѳп ағас ултыртыу. Изге эштән һеҙ ҙә ситтә ҡалмағыҙ.
Фото: БР Урман хужалығы министрлығы сайтынан.
Читайте нас:
© 1917 - 2024 «Башҡортостан» гәзите.
Бөтә хоҡуҡтар ҙа яҡланған.
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башҡортостан» гәзитенә һылтанма яһау мотлаҡ.
Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ ФС77-33205 от 11 сентября 2008 г.
Баш мөхәррир
Исхаҡов Вәдүт Ғәйфулла улы
Электрон почта
Адресы
г. Уфа, ул. 50 лет Октября, 13, 5-й этаж
Реклама хеҙмәте
8(347)272-62-61
Ҡабул итеү бүлмәһе
8(347)272-05-43
Хеҙмәттәшлек
8(347) 273-83-92
Кадрҙар бүлеге
8(347)272-05-43