0 °С
Ясна
Бөтә яңылыҡтар
Милли проекттар
20 Июль 2020, 18:30
Яңы клуб асыласаҡ
Тотош донъяға билдәле спортсы Эльбрус Ниғмәтуллин ниндәй спорт төрө серҙәренә өйрәтәсәк?
Тотош донъяға билдәле спортсы Эльбрус Ниғмәтуллин ниндәй спорт төрө серҙәренә өйрәтәсәк?
23 июлдә 19 сәғәттә Өфөләге Ағиҙел йылғаһы буйындағы милли батырбыҙ Салауат Юлаев һәйкәле ҡаршыһында Эльбрус Ниғмәтуллин менән берлектә скандинав атлауы буйынса клуб асыласаҡ. Был проекттың маҡсаты – халыҡты сәләмәт тормош алып барыуға, һаулыҡты нығытыуға, физик культура – скандинав атлауы – менән даими шөғөлләнеүгә ылыҡтырыу. Тағы оло йәштәгеләрҙе һәм Өфө, Сибай, Нефтекама, Учалы, Стәрлетамаҡ ҡалаларында йәшәгән урта йәштәгеләрҙе физик культура менән шөғөлләнеүгә йәлеп итеү.
Әйткәндәй, был проект Башҡортостан Республикаһы Башлығы гранттарын гражданлыҡ йәмғиәтенә субсидиялар рәүешендә биреү буйынса конкурста еңеп сыҡҡан.
Проектты тормошҡа ашырыу ваҡытында урта һәм оло йәштәгеләр араһында скандинав атлауын һөйөүселәр клубын ойоштороу, уны өйрәтеү саралары ҡаралған. Был спорт төрө буйынса социаль селтәрҙә сайт һәм берләшмәләр төҙөү юлы менән халыҡҡа аңлатыу эше алып барыласаҡ.
Остеохондроз, сколиоз, үпкә, һимереү, артрит һәм башҡа сирҙәр скандинав атлауы ярҙамында хәл ителә, ти белгестәр. Башҡортостан буйынса урындарға сығып сәләмәт тормош алып барыу һәм скандинав атлауы буйынса күнекмәләр үткәреләсәк.
Үрҙә әйтелгән сара ил Президенты Владимир Путиндың май указдарына ярашлы барлыҡҡа килгән “Демография” милли проектының “Спорт – йәшәү нормаһы” проекты нигеҙендә мөмкин буласаҡ.
Фото: социаль селтәрҙән.
Читайте нас:
© 1917 - 2024 «Башҡортостан» гәзите.
Бөтә хоҡуҡтар ҙа яҡланған.
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башҡортостан» гәзитенә һылтанма яһау мотлаҡ.
Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ ФС77-33205 от 11 сентября 2008 г.
Баш мөхәррир
Исхаҡов Вәдүт Ғәйфулла улы
Электрон почта
Адресы
г. Уфа, ул. 50 лет Октября, 13, 5-й этаж
Реклама хеҙмәте
8(347)272-62-61
Ҡабул итеү бүлмәһе
8(347)272-05-43
Хеҙмәттәшлек
8(347) 273-83-92
Кадрҙар бүлеге
8(347)272-05-43