Өлкән быуынды хәстәрләп

Башҡортостан Республикаһында ил Президенты Владимир Путиндың май указы менән раҫланған “Һаулыҡ һаҡлау” милли проектын тормоҡа ашырыу йәһәтенән ҙур эш башҡарыла.

Ошо көндәрҙә Дәүләт Йыйылышы – Ҡоролтай Рәйесе урынбаҫары Рөстәм Әхмәҙинуров һәм парламенттың Һаулыҡ һаҡлау, социаль сәйәсәт һәм ветерандарҙың эштәре комитеты рәйесе урынбаҫары Римма Үтәшева “Берҙәм Рәсәй” онлайн-лекторийының “Өлкән быуын ауырыуҙары” темаһына дәрес үткәрҙе.

Өфөнөң 13-сө ҡала клиник дауаханаһының баш табибы Булат Ғарифуллин өлкән йәштә ауырыуҙарҙы иҫкәртеүҙең һәм һаулыҡты нығытыуҙың дөйөм принциптары тураһында һөйләне. Республика кардиология үҙәгенең баш табибы Ирина Николаева онлайн-лекторийҙа ҡатнашыусыларға йөрәк-ҡан тамырҙары системаһын нығытыу йәһәтенән кәңәш бирҙе. Кешенең йәшәйешен көйләүсе эндокрин системаның нисек эшләүе тураһында Ғ.Ғ. Ҡыуатов исемендәге Республика клиник дауаханаһының эндокринология бүлеге мөдире Полина Гусева сығыш яһаны.

#ВладимирПутин
#национальныепроекты#нацпроекты
#региональныепроекты#регпроекты#нацпроектыБашкортостан

Фото: srk.nationalpriority.ru