+20 °С
Болотло
Милли проекттар
27 Ноябрь 2020, 10:30
Эшҡыуарҙар өсөн аукцион иғлан ителде
138,2 мең кубометр ағас әҙерләү мөмкинлеген биргән 157 лот һатыуға ҡуйылған
Башҡортостан Урман хужалығы министрлығы бәләкәй һәм урта эшҡыуарлыҡ субъекттарын урман үҫентеләре менән тәьмин итеү маҡсатында алып-һатыу килешеүен төҙөүгә хоҡуҡты һатыу буйынса аукцион иғлан итте.
Был юлы Әлшәй, Архангель, Балаҡатай, Белорет, Ғафури, Ейәнсура, Йылайыр, Иглин, Инйәр, Кананикольский, Ҡариҙел, Күгәрсен, Маҡар, Нуриман, Салауат, Стәрлетамаҡ, Тирлән, Туймазы, Өфө, Хәйбулла урмансылыҡтарында бөтәһе 138,2 мең кубометр ағас әҙерләү мөмкинлеген биргән 157 лот һатыуға ҡуйылған.
Аукцион 17 декабрҙә уҙасаҡ. Унда ҡатнашыу өсөн ғаризалар 26 ноябрҙән 11 декабргә тиклем ҡабул ителә. Бәләкәй һәм урта эшҡыуарлыҡ субъекттары өсөн уҙғарылған аукцион тураһында мәғлүмәт менән министрлыҡтың рәсми сайтында (www.torgi.gov.ru) танышырға мөмкин.
Әйткәндәй, һуңғы йылдарҙа бәләкәй һәм урта эшҡыуарлыҡ субъекттарын ағас менән тәьмин итеүгә иғтибар артты. Бындай саралар Рәсәй Президенты Владимир Путиндың май указдарына ярашлы ҡабул ителгән “Бәләкәй һәм урта эшҡыуарлыҡ, һәм шәхси эшҡыуарлыҡ тәҡдимен хуплау” милли проектын ғәмәләгә ашырыуға булышлыҡ итә.
Автор фотоһы.
