Ирекмәндәр ярҙамға ашыға

Күгәрсен районы ирекмәндәре Бөтә донъя изгелек көнө айҡанлы “Изге эштәр калейдоскобы” тигән район акцияһы үткәрҙе.

Рәсәй Президенты Владимир Путиндың май указы менән раҫланған “Мәҙәниәт” милли проектына ярашлы ойошторолған был ирекле хәрәкәт төрлө һөнәр кешеләрен район сараларына әҙерләнеүгә һәм уларҙы үткәреүгә йәлеп итеү мөмкинлеген бирә. Ай башында ирекмәндәр мәҙәниәт хеҙмәткәрҙәре менән бергә Оло Эйек йылғаһының яр буйын сүп-сарҙан һәм рөхсәтһеҙ асылған сүплектәрҙән таҙартты.

“Ғаилә” социаль үҙәге өсөн мәҙәниәт ирекмәндәре кейем-һалым, башҡа әйберҙәр йыйып, “Дармарка” пунктына тапшырҙы. Унан әйберҙәр ауыр хәлле ғаиләләргә таратыла. Гуманитар ярҙамға киҫкен мохтажлыҡ кисергән кешеләргә ирекмәндәр ҡоро паектар әҙерләне. Хәрәкәт итеү мөмкинлеге сикләнгән һәм өлкән йәштәге граждандарға иһә аҙыҡ-түлек, дарыу һатып алыуҙа, көндәлек проблемаларҙы хәл итеүҙә ярҙам күрһәттеләр.

#ВладимирПутин
#национальныепроекты#нацпроекты
#региональныепроекты#регпроекты#нацпроектыБашкортостан

Фото: srk.nationalpriority.ru