+21 °С
Болотло
Милли проекттар
20 Февраль 2021, 06:30
“Был ҡорамал ғәйәт ҙур әһәмиәткә эйә”
Өфөләге 21-се ҡала клиник дауаханаһының реанимация һәм интенсив терапия бүлегенә өр-яңы өс ИВЛ аппараты тапшырылды.
Рәсәй Президенты Владимир Путиндың май указы менән раҫланған “Һаулыҡ һаҡлау” милли проектының “Йөрәк-ҡан тамырҙары ауырыуҙарына ҡаршы көрәш” төбәк проектына ярашлы, Өфөләге 21-се ҡала клиник дауаханаһының реанимация һәм интенсив терапия бүлегенә өр-яңы өс ИВЛ аппараты тапшырылды.
– 2020 йыл коронавирус панедмияһы шарттарында хатта медицинанан алыҫ кешеләр ҙә “үпкәне яһалма елләтеү” төшөнсәһен һәм “ИВЛ” аббревиатураһын белеп ҡалды. Был медицина ҡорамалы бөтә реанимация бүлектәрендә лә ҙур әһәмиәткә эйә, – тине дауахананың бүлек мөдире Зөһрә Ғирфанова. – Анестезиолог-реаниматологтарҙың эшендә үпкәне яһалма елләтеү аппараты – йәшәйеште тәьмин итеүсе ҡорамал, айырыуса операция яһағанда. Был ҡорамалды имгәнеү, ағыуланыу, баш һөйәгенә, мейегә, нервы системаһына зыян килеү һөҙөмтәһендә тын алыу мускулдарын фалиж һуҡҡанда файҙаланалар.
Newport E360 аппараттарына газ ҡатнашмаһын күҙәтеү өсөн Capnostream модуле ҡуйылған.
Фото: health.bashkortostan.ru
