Ғалимдар дәүләт премияһына дәғүә итә ала

Башҡортостан Республикаһы Башлығы ҡарамағындағы Фән һәм техника өлкәһендәге дәүләт премиялары буйынса комиссия быйылғы йылдың 1 мартынан 30 апреленә тиклем әлеге премияға дәғүә итеүселәрҙән ғариза ҡабул итә.

Беҙҙең республикала был премия ике йылға бер тапҡыр тәбиғи, техник һәм гуманитар фәндәрҙе үҫтереүгә тос өлөш индергән фәнни тикшеренеүҙәр һөҙөмтәләре, иҡтисадтың һәм социаль өлкәнең инновацион үҫешенә булышлыҡ иткән яңы төр техника өлгөләре һәм алдынғы технологиялар өсөн бирелә. Положениеға ярашлы, һәр береһе 500 мең һумға торошло өс премия тапшырыла.

Конкурсҡа коллектив ғаризалар ҙа ҡабул ителә, әммә коллективтағы премияға дәғүә иткән кешеләр һаны биштән артмаҫҡа тейеш. Кандидатуралар фәнни учреждениелар, юғары уҡыу йорттары, дәүләт һәм урындағы үҙидара органдары, предприятиелар һәм ойошмалар тарафынан күрһәтелә.

Документтар Өфө ҡалаһы, Туҡай урамы, 46-сы йорт, 326-сы бүлмә адресы буйынса ҡабул ителә. Белешмәләр өсөн телефон: 280-81-62. Тулыраҡ мәғлүмәт менән түбәндәге һылтанма аша танышырға мөмкин: https://glavarb.ru/rus/president/komissiya_pri_glave_respubliki_bashkortostan_po_gosudarstvennym_premiyam_respubliki_bashkortostan_v_/

Фәнде үҫтереүгә йүнәлтелгән был башланғыстар Рәсәй Президенты Владимир Путиндың май указдарында билдәләнгән “Фән” милли проекты ҡуйған бурыстарҙың үтәлешенә лә яуап бирә.

Фото: vadro.livejournal.com