+24 °С
Ямғыр
Милли проекттар
2 Апрель 2021, 09:45
Яңы үҙәк төҙөү планлаштырыла
Иглин районының Иглин ауылында 104 миллион һумлыҡ ветеринария үҙәген төҙөү планлаштырыла.
Иглин районының Иглин ауылында 104 миллион һумлыҡ ветеринария үҙәген төҙөү планлаштырыла.
Был хаҡта Иглин районында үткәрелгән “Инвестиция сәғәте”ндә әйтелгән. Алдан планлаштырылыуынса, үҙәктә ветеринария клиникаһы ғына түгел, балалар өсөн уҡыу үҙәге лә булмаҡсы.
Ветеринария үҙәген “Ветна” яуаплылығы сикләнгән йәмғиәте төҙөмәксе. Ул район үҙәк мәҙәниәт һарайынан йыраҡ урынлашмаясаҡ. “Проект өсөн ер участкаһының район үҙәк мәҙәниәт һарайы, Иглин ауыл Советы һәм башҡа бюджет ойошмалары ҡарамағында булыуы хәлде ҡатмарлаштыра. Һәр ойошма үҙенең фекерен тәҡдим итә”, – тип белдергәндәр Иглин районы хакимиәтендә.
Әгәр һайланған участкала ер булмаһа, эшҡыуарҙарға ветеринария үҙәген төҙөү өсөн башҡа варианттар тәҡдим ителәсәк. Әгәр ошо үҙәк барлыҡҡа килһә, балаларға белем бирелһә, Рәсәй Президенты Владимир Путиндың май указдарына ярашлы барлыҡҡа килгән “Мәғариф” милли проекты бурыстары ла тормошҡа ашырыласаҡ.
Әйткәндәй, “Ветна” яуаплылығы сикләнгән йәмғиәте йорт хайуандарын һәм йорт хайуандары өсөн махсус аҙыҡты берәмтәләп һатыу менән шөғөлләнә.
Фото: “Башинформ”.
