Ғаризалар ҡабул ителә

16 июндә II “Рәсәй тәмдәре” милли конкурсына ғаризалар ҡабул итә башланылар. Был сара төбәк аҙыҡ-түлек брендтарын үҫтерергә, аграр сәнәғәт өлкәһендәге бәләкәй һәм урта эшҡыуарлыҡ ҡаҙаныштарына иғтибарҙы йәлеп итеү маҡсатын ҡуя. Был иһә Рәсәй Президенты Владимир Путиндың май указдары нигеҙендә барлыҡҡа килгән “Бәләкәй һәм урта эшҡыуарлыҡ һәм шәхси эшҡыуарлыҡ башланғыстарына ярҙам итеү” милли проекты бурыстарын тормошҡа ашырырға ярҙам итә. Әйткәндәй, беренсегә милли конкурс былтыр үткәрелгәйне. Унда башҡорт балы “Тотош илгә” номинацияһында өсөнсө урын яулағайны.

Быйыл был сара “Тотош илгә”, “Тәбиғәт тәме”, “Гастрономик табыш”, “Кулинар мираҫ”, “Халыҡ һайлауы”, “Төпкөлдән тәм”, “Утҡа күҙ һалығыҙ” һәм “Сикһеҙ тәм” тигән һигеҙ номинациянан тора. Конкурс тураһындағы тулыраҡ мәғлүмәт www.russiantastes.ru сайтында бар.

Төбәктәрҙәге тармаҡ союздары, етештереүселәр берекмәләре һәм ауыл хужалығы ҡулланыусылар коооперативтары конкурста ҡатнашыу өсөн үҙаллы ғариза бирә ала. Айырым етештереүселәр ҙә был сарала ҡатнашыу хоҡуғына эйә. Бының өсөн республиканың Ауыл хужалығы министрлығынан куратор менән 218-05-85 телефоны буйынса бәйләнешкә сығырға кәрәк.

Фото: БР Ауыл хужалығы министрлығы.

#ВладимирПутин
#национальныепроекты#нацпроекты
#региональныепроекты#регпроекты#нацпроектыБашкортостан